English | عربی | Kurdî دواهەواڵ
ڕاستەوخۆ  
 
پەندوەرگرتن لەمێژوو
2020-05-05 [02:09 AM]

نووسینی: ئاورینگ شێخ عەلی


ھەرلەکۆنەوە شاعر گوتویەتی
زەرەیەک خاکی وەتەن نادەم بەقەسری قەیسەری
یا دەلێ
بوکی ئازادیم دەوێ خوێنم خەنەس بۆ دەست و پێی
سەدھەزار لەعنەت لەوەی وا نۆکەری بێگانەیە
یا
سەربەخۆیی بێ فیداکاری ئەبەد سەرناگرێ....

زۆرانی تر لە شاعیرانمان،  لەکۆن وئێستادا ژیانی ژێردەستەیی و  زەلیلی بن دەستی داگیرکەریان رەتکردۆتەوەو کونجی زیندان و بەندیخانەو شەھیدبونیان  هەڵبژاردووە نەک ژێردەستی فەرمانڕەوایەکی بێگانە . ھەموومان ئەوە دەزانین  گەلی کورد تاکە میللەتی گەورەی سەر ئەم زەمینەیە کەتا ئێستا بئ دەولەت ماوەتەوەو باب وباپیرانمان ھەموو بە ھیوای سەربەخۆیی و بونی دەولەتێکی کوردی سەریان نایەوە، هەزاران لە رۆڵەو گەنج و لاوانمان لەم پێناوە گیان و ژیانیان بەخشی، هەزاران گوندو دێھات و باخ ورەزمان لەم پێناوە بەسوتماک کران ، هەزاران پیرولاووژن و منداڵ لە ئەنفالەبەدناوەکان زیندەبەچاڵ و هەزارانی تریش کیمیا باران کران ، بە دەیان نووسەرو شاعیرانی ئازادیخوازمان شەهیدکران و زیندانی ودەربەدەری دنیا کران . لە باکور و رۆژئاواو ڕۆژهەڵاتیش تەنیا لەسەر ناونانی کۆرپەکانیان بەناوێکی کوردی ، سزای قورس دەدران ، ئێستاش لەرۆژھەلاتدا رۆژانە لاوانی کورد لەسێدارە دەدرێن، تائێستاش وێرانکردنی خانوو وماڵی کوردان لە ڕۆژاواو لە ناوچەکانی وەک خورماتوو بەردەوامە، کەهەموو ئەمانە تەنیا مشتێکن لەخەروارەها کارەساتەکانی ژیانی تراژیدیانەی  کورد، بەلێ ئێمە بەم شێوەیە ژیاوین و بەبەرچاوی خۆمانەوە سەرچاوەکانی ژیان و مانەوەی خۆمان و نەوەکانی داهاتوومان ووشک دەکرێ. تۆبڵێ ئەگەر نەوەکانی پێشوترمان لەژێر دەستی عوسمانی و سەفەوی وقاجاڕ و لەو مێژووەش کەونار تر لە سایەی شمشێری ئەمەوی و عەباسیەکاندا بێنەوەگۆو نەهامەتیەکانی ئەوسەردەمی خۆیان بگێڕنەوە تێ ئەگەین ئەوسەردەمیش بۆ کورد چ کارەساتێک بووە.

شتێک دەلێم بۆ مێژوو بە تەواوی یەقینمەوە ، ھەموو ئەو  دەوڵەتانەی ئێستا ھەن ئێران،  ئێراق ،تورکیاو سوریا، نەک هەر دوێنێ و ئێستا بەڵکو لەئایندەشدا بەهەر شێوازێکی نەک نەرم بەڵکو بوشێوەی دڕندانەو توندو  بۆیان بلوێ ، لەژێر هەرتایتل و بیانووێکنایەڵن  تەنانەت کوردێکیش بمێنێ .  دلنیابن ئەوەی بەناونیشانی دیموکراسی و پێکەوەژیان و هاوبەش بوون لە نیشتمانێکی وەهمی بەناوعیراق ، گۆڕینی دیدو دنیابینی نەتەوە سەردەستەکە نیە ، بەڵکو تەنیا گۆڕینی ئامرازەکانی بەکۆیلەکردن و بەردەوامی دانە بە داگیرکەری ولەباشترین حاڵەتیشدا گۆڕینی رووخسارەکانی داگیرکەرەکانە ،گەرنا ھەموویان ئەوانەی ئەمڕۆش وەک ئەوانی دوێنێ یەک بیرکردنەوەو یەک سیاسەت پەیرەو دەکەن ،کە ئەویش سیاسەتی داگیرکردنە بەهەموو ڕەهەندەکانیەوە. هەر بۆیە لام سەیرەو زۆریشم لا سەیرە کەدەبیستم گوایە فلانە  کەس لەدەستەبژێرە فراوانەکەی عیراق دۆستی کوردە ، ئاخر مرۆڤ ھەندێجار کە قسەی بێ بنەمای ئەوهای گوێ لێ ئەبێ، ئەوە  لەخۆشیان نیە پێکەنینی دێ ، بەلکو ئەوە شەپۆلی خەمەو لەناخدا وردو خاشت دەکا. 
من لە ئێوە دەپرسم کێ لەوبروایەدایە عەرەبێک ھەبێ لەدلەوە نەک ئێستا بەلکو دوای سەد سالی تریش بلێ بەلێ بۆ سەربەخۆیی کوردستان یا ھیچ نەبێ بلێ تۆ حەقت ھەیەو ھاولاتی پلەیەکی لەم ولاتەدا  ، خۆ لەوەیە بەسەرزارەکی شتی وا وترابێت و بوترێت ، بەلام دلنیابە ئێستاش حەزدەکات و کاربۆئەوە ئەکا ئەم ھەرێمەی کە بەخوێنی ئالی شەھیدانمان دروستمان کردوە  ،شوێنەواریشی نەمێنێت. کەچی ھەندێک تائێستاش دەیانەوێ سەر بە بەغدا بین وڕەدوو بەغدا بکەوین ولەجیاتی پشتیوانیکردنی حکومەتی هەرێم بانگەشەو زەمینەسازی بۆ پووکانەوەو چکۆڵەکردنەوەو لەگۆڕنانی هەرێم دەکەن. ئەو ئاراستەیەی ئێستای نێوکوردەواری ئەم داستانەی بیرهێنامەوە کە دەڵێ
:  کابرایەک خانویەکی ھەبوو لەھەرچوارلاوە دڵۆپەی دەکرد، کەچی ئەو لەجیاتی ئەوەی شوێنی دڵۆپەکان چاک بکا ، دەچوو بەڕەو بالیفی نوێی دەکڕی و ژورەکەی دەڕازاندەوە .
من دەزانم موچەخۆران، کاسبکاران و مامۆستایان مافی خۆیانە موچەیان پێ بدرێت ، مافی خۆیانە منداڵەکانیان وەک منداڵی ھەرکەسێکی تر بژین ،دەزانم گەندەڵی و بندیوار ھێندە زۆرە کەرەنگە بەشێک لەوکەسانەی ئەم چاکسازیە دەیانگرێتەوەو ئیتر موچە زەبەلاحەکانیان کەم دەکرێتەوە و چیتر ناتوانن کۆمپانیاو ڤێلاکانیان لە قوتی خەڵک ھەڵچنن ، بۆیە دژایەتی ئەم حکومەتە بکەن 

دەی لەکوێی دونیا بووە ئەندام پەرلەمانێک داوای برینی قوت و موچەی ھاوڵاتیانی خۆی لە حکومەتی بەغدا بکا  و ببێتە دەمراست و پارێزەری بەرژەوەندی ئەوبێگانەیەی، کە حیسابی مرۆڤیشت بۆ ناکا، لەوەش بریندارکەرتر ئەوەیە کە ئەوپەرلەمانتارەو هاوقەتارانی نەک ئەو رەفتارە شەرمەزارییەیان ناشارنەوە، بەڵکو بەئاشکراو بەلووت بەرزییەوە نەک هەردانی پیائەنێن بەڵکو بانگەشەی بۆ ئەکەن و خۆشیان بەشەرمەزار نازانن وڕەنگە چاویشیان لەوبێ لە هەڵبژاردنەکانی داهاتووشدا وەک (( پەڕلەمانتاری نموونە)) دەنگیان پێ بدرێتەوە، بەڕاستی ئەم جۆرانە لەرلەمانتارو سیاسەتمەدارو گوەتاربێژی نموونەیین ، بەڵام نموونەی خۆفرۆشین و هەربەوئاراستەیەدائەڕۆن و چاوەڕوانی ئەوەشیان هەرگیز لێ ناکرێ ، کە برای برایەتی و یەکڕیزی کوردبن و لەوسەنگەری خیانەتکردن بەنەتەوە بێنە دەرەوەو ئەگەر سەنگەری کوردایەتی بەهێزیش نەکەن ، بێ هێزی مەکەن . ئەوەی ئەو فس فس پاڵەوانە ساختانەی گوایا بەرەی گەل دەیکەن  جگە لە خۆبەدەستەوان هیچیتر نیە، بەڵام ئەوەی لەم ئاراستەیەدا بۆ ئەوان و هەموو ڕەدووکەوتووەکانیان ، بۆ ئەوان شەرمەزارترو بۆ کوردستانیش مەترسیدارترە، ئەو بانگەشەو هاندانەیە کەدەیکەن بۆ ڕاکێشانی ڕای گشتی کوردستان لەم دۆخەدا تا بیان بەنەوە ئەوبەغدایەی کە بەم شێوەیەو ئاراستەیەی کاری بۆ ئەکرێ ناوەندێک نیە بۆ باڵاتربوونی کورد بەڵکو تەنیا پڕۆژەیەکە بۆ نەهێشتنی ئەزمونی هەرێم و ڕۆژەیەکە بۆ بچووکردنەوەو کرێتکردنی مانای کوردبوون. لەو بوارەدا دەبێ پەنجە بۆ ئەوەڕابکێشم کە ئەوانەی لەکۆنیشدا خیانەتی ناوخۆیتان لە ئەمارەتەکان و لە شڕش و مەملەکەتی شێخ محمودو سمکۆو پێشەوا کرد، تەنیا ئەوسەرکردانەو شۆڕش و قەوارەکانی ئەوسای کوردستانیان نەڕووخاندو لەناونەبرد، بەڵکو دواڕۆژی کوردیان خستە ناوتونێلی تاریک و نووتەکەوە، ئەگەر شۆشگێڕانی دوواتر نەبونایە نەوەکانی دواتر هەرگیز تروسکایی ئەوسەری تونێلی کارەسات و نسکۆکانیان نەدەبی ، چونکە ئەوەی گومڕاکانی ئەوساکردیان و ئەوەی گومڕاکانی ئێستای کوردایەتی دەیکەن زەبرلێدانی کاریگەرە لە کەسایەتی خۆبەدەستەوەنەدەری کورد.
لەلایەکی ترەوە، کورتکردنەوەی کوردایەتی و ستراتیژو ئامانجەکانی لە بەرژەوەندی کارەکتەرەسیاسیەکانی شارێک زۆر مەترسیدارە، چونکە یەمە بەمانای کورتکردنەوەی کوردایەتیە وەک مەسەلەی نەتەوەیەک بۆ مەسەلەی شارێک ، زۆر مەترسیدارە بەسەر تەواوی کوردایەتی و بەسەر وردەشوناسی شارەکەشەو، بۆیە شارچیەتی ئەگەر ستایل ومۆدێلێکی ڕوتی کلتوری یاخۆ ئەنگێزەیەکی نۆستالۆژی پەیوەست بە ترادسیۆنیش بێ ،ئەوا لەم ساتە وەختەدا کە بوونی نەتەوەیمان لەبەردەم هەڕەشەی گەورەی مان و نەمان دایە، ئاراستەوەرگرتنێکی نانەتەوەییە و ئەبێ وەک یارییەکی سیاسی ڕووت تەماشای نەکرێ.
دوا ووشەم ئەوەیە کەئەبێ پەندو دەرس لە شکستەکان وهەروەها پەندودەرس لە سەرکەوتنەکانیشمان وەربگرین ، چونکە ئەو بۆچوونە ڕاست نیە کەزورمان ئەیڵێینەوەو پێمان وایە هەموو ئەزموونی نەتەوەکەمان ئەزموونی شکستە، نەخێر وانیە بەڵام لەم وتارەکورتەدا جێی لێدوان نیە لەسەری . جا باواش دابنێینئەو ئەنجامگیرییەش دروست بێ ، نابێ پڕۆژەمان بۆ دووبارەکردنەوەو وەراست گێڕانی ئەو بۆچوونە بێ کە ئەزموەنی ئێمە ئەزموونی شکستە ، بەڵکو ئەبێ ئەزموونەکەمان بە ئاراستەی سەرکەوتن هەڵگێڕینەوەو پڕۆژەمان پڕۆژەی سەرکەوتن بێ .





ئەم هەواڵە 496جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad