English | عربی | Kurdî دواهەواڵ
ڕاستەوخۆ  
 
سوریا... له‌ هێرشێكدا چەکدارانی ئێرانی و عێراقی كوژران
2020-05-05 [04:20 AM]

ZNA - هه‌ولێر


 

لە ئاکامی ئەو هێرشە ئاسمانیانەی شەوی ڕابردوو کراونەتە سەر چەند شوێنێکی هەرێمی دیرلزور لە ڕۆژهەڵاتی سوریادا، لانی كه‌م 14 چەکداری ئێرانی و میلیشیا عێراقییەکانی سەر بە ئێران کوژراون.

ڕێکخراوی ڕوانگەی سوریایی بۆ چاودێری مافەکانی مرۆڤ دەڵێت پێدەچێت فڕۆکە جەنگییەکانی ئیسرائیل ئەو هێرشانەیان کردبێتە سەر بیابانی دەوروبەری شاری مەیادین و هەردوو شارۆچکەی ساڵحیە و قورییە، وە دەشڵێت ئەوانەی کوژراون، ئێرانی و عێراقین.

ئه‌و رێكخراوه‌، بەدوریشی نازانێت ژمارەی کوژراوەکان به‌رز ببنه‌وه‌، وەک دەڵێت ژمارەیەک برینداریش هەن و برینی هەندێکیان زۆر قورسه‌.

تا ئێستا میدیای فەرمی وڵاتی سوریا هیچ ئاماژەیەکی بەو هێرشە ئاسمانیانەی شەوی ڕابردوو نەکردووە.

لەم چەند ساڵەی ڕابردوودا، ئیسرائیل هێرشه‌كانی لەناو خاکی سوریادا چڕ کردۆتەوە و بەتایبەتیش هێرشە ئاسمانیەکانی دەکاتە سەر بنکەکانی لەشکری سوریا و هەروەهاش بنکەکانی هێزە چەکدارەکانی ئێران و حزبوڵای لوبنانیش.

 

voa





ئەم هەواڵە 9001جار خوێندراوەتەوە
 
 
ڤیدیۆ گەلەری
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad