English | عربی | Kurdî دواهەواڵ
ڕاستەوخۆ  
 
سازانێ سەرنەگرت ، بلا یاسا و زۆرینەیێ تاقیکەین
2020-05-08 [10:57 AM]

نڤیسینا : غیاس خالد زێباری


چەندین ساڵە هەوڵێن سازان و لێکتێگەهشتنێ دناڤبەرا پارتیێن کوردستانی سەرنەگرتیە ، هەر سازانەکا هاتبیتە کرن ، یێن دەمەکی بوونە ، ب تایبەتی دناڤبەرا پارتی وەکێ هێزا ئێکێ یا سیاسی و جەماوەری یا کوردستانێ حزبێن دیتر یێن کوردستانی و د هەر دەلیڤەکێ دا بۆ پیلان و هەوڵێن کۆمکرنا زۆرینەیا پەرلەمانی دژی پارتی کرینە ، بۆ ژناڤبرنا  سازانێ . 

هەر وەکی ل بەرتەنگترین کاودانێن سیاسی و ئێمناهی و ئابووری دا ل ۲۳ ێ حوزەیرانا سالا ۲۰۱٥ پڕانیا کوتلێن پەرلەمانی ب بەرنامەیەکێ سیاسی یێ سەرکردایەتیێن پارتیێن ، هەولا کۆدەتایەکا سپی و یاسایی ل پەرلەمانێ کوردستانێ دا دژی پارتی بۆ گۆڕینا یاسایا سەرۆکاتیا هەرێما کوردستانێ   ، بێ کۆ بۆ سازانێ و رێکەفتنان بزڤرن ، و درۆشمێن دیموکراسی و زۆرینەیا پەرلەمانی بلند دکرن و شانازی پێ دبر . 

ئەڤە لدەمەکی دا بوو کو هەرێما کوردستانێ ب گشتی  و پێشمەرگەهــ و سەرۆکێ هەرێمێ ل بەرەیێن دژوارترین  شەرێ ڤی سەردەمی دا بوون لگەل تیرۆرستێن داعش و مەترسیەکا مەزن لسەر قەوارێ هەرێما کوردستانێ هەبوو .
خۆشبەختانە پیلانا وان سەرنەگرت و نەشیان زۆرینەیا پەرلەمانی دابین بکەن . 

خێرە ئەڤرۆ ب هەمان پرۆسەیا دیموکراسی و یاسایی ژلایێ زۆرینەیا پەرلەمانێ بۆ ڕاکرنا پارێزبەندیێ لسەر هژمارەکا پەرلەمانتارێن کوردستانێ ، داکۆ دەرفەتێ بدەنە دادگەهێن کوردستانێ بۆ پێرابوونێن یاسایی بەرامبەر وان پەرلەمانتاران یێن دۆسیێن دادگەهێ لسەر هەی هنگ نەڕحەت بوون و دکەنە پرسەکا سیاسی ..!  و بەحسێ سازانێ دکەن ،

ئەرێ کی حزبا کوردستانی بتەمەت پارتی داخازا سازانێ کریە و ژپێخەمەت تفاق و ئێکرێزیێ ل ماف و بەرکەفتیێن خۆ یێن هەلبژاردنا خۆشبوویە ، دەمێ پارتی وەکی هەرجار داخازا سازانێ دکر وە لایەنگرێن وێ شەهید و دەستەسەر دکرن و بارەگایێن وێ ژی دسۆتن ..!  

پارتی یا شەرێ دەستووری و یاسایی ل بەغدا دکەت بۆ پاراستن و دابینکرنا مافێن کورد و کوردستانێ ، هوون یێن شەرێ لسەر پۆستا دکەن و داخازا برسیکرنا خەلکێ کوردستانێ دکەن ..! 
پارتی ل راپرسیا سەرخۆبوونا کوردستانێ ل ئیلۆنا ۲۰۱۷  ، تەکەزیا کوردستانیبوونا دەڤەرێن کوردستانی یێن دەرڤەی ئیدارا هەرێما کوردستانێ بۆ ئیراقێ و جیهانێ سەلماند ، هەوە ئەو دەڤەر هەمی ب خیانەتێ  ڕادەستی داگیرکەرا کرەڤە ..!  

ئەگەر وە ئێکرێزی و سازان بڤێت ، دێ بەڕەڤانیێ ل سازانێ و ئێکرێزیێ کەن ، نەک لسەر پرسەکا یاسایی یا راکرنا پارێزبەندیا پەرلەمانتارەکی ،  گۆتارێن تۆند و تیژ ئاراستە کەن و بیرا خۆ ل سازان و ئێکرێزیێ ئیننەڤە . 

ئەگەر بەرپەرێن گۆتار و بناڤ قەلەمنڤیسێن وە هەڵدەینەڤە ، کەسی وەکی وە داخازا دادوەریێ و سەروەریا یاسایێ نەکریە و پارتی ب پێشێلکرنێن وێ تاوانبار نەکریە،  خێرە ئەڤرۆ هەمی بووینە پارێزەرێن گۆمان لێکریەکێ و ژبەر دادگەهــ و دادوەریێ د ڕەڤن ..!  
  
دیرۆک دیدەڤانە کۆ وە سازان و ئێکرێزی نەڤێت ، لەوما پێتڤی یە نهۆ ۆێفە پارتی و حکومەتا هەرێما کوردستانێ چەکێ دادگەهێ و یاسایێ ، لجهێ سازانێ بکار بینیت ، هەروەسا هون ژی هەمان چەکی بکار بینین .





ئەم هەواڵە 235جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad