English | عربی | Kurdî دواهەواڵ
ڕاستەوخۆ  
 
بۆچی گرنگە تەماتە لەسەر سفرەی بەربانگ و پارشێوان هەبێت
2020-05-12 [12:34 PM]

ZNA ــ هەولێر


تەماتە یەكێكە لەو سەوزانەی بەشێوەیەكی بەرفراوان لە دروستكردنی چەندین خۆراكدا بەكاردەهێنرێت و كەسانێكی زۆر حەز بە خواردنی دەكەن.

 
 ئەو توێژینەوانەی لەسەر تەماتە ئەنجامدراوە، چەندین سودیان بۆ لەش ئاشكرا كردووە، ئەمەش بەهۆی بونی چەندین جۆری ڤیتامین و ماددەی خۆراكی و كانزا جیاوازەكان لە پێكهاتەكەیدا.

تەماتە دەوڵەمەندە بە ڤیتامینەكانی ئەی و بی و سی و ئی، هەروەها كانزاكانی وەك پۆتاسیۆم و مەگنسیۆم و مس و فسفۆڕ لە پێكهاتەكەیدا هەیە، ئەمە جگە لە دەوڵەمەندی بە پرۆتین و ترشە چەوریەكان.

بەڕای پسپۆڕانی تەندروستی خواردنی تەماتە لە مانگی ڕەمەزاندا، چەندین سود بە لەشی ڕۆژوەوان دەگەیەنێت و وزەو توانایەكی زۆریان پێدەبەخشێت.

خواردنی تەماتە دەبێتە هۆی خێراكردنی كرداری هەرس، هەر لەبەر ئەم هۆكارە پسپۆڕانی خۆراكی داوا لە هاوڵاتیان دەكەن تەماتە لە ژەمی بەربانگدا بونی هەبێت، بۆ ئەوەی گەدە بە خێرای ئەو خۆراكە هەرس بكات كە لەو ژەمەدا خوراوە، بۆ ژەمی پارشێویش هەمان سود و گرنگی هەیە بەو پێیەی دوای ئەو ژەمە مرۆڤ دەخەوێت و پێویستی بە خواردنێكە كە كرداری هەرس ئاسان بكات.

دەكرێت تەماتە بە كاڵی لەسەر خوانی ئێوارانی ڕەمەزان و پارشێو دابنرێت، هەروەها دەتوانرێت بكرێتە پێكهاتەی شلە و سوپ و زۆرینەی ئەو خۆراكانەی دیكە كە بۆ ئەو ژەمانە ئامادە دەكرێت.

تەماتە كرداری هەناسەدان ئاسان دەكات و سودی بۆ بۆریەكانی هەوا هەیە، هەروەها كاری گورچیلەكان چالاك دەكات و ڕێگری دەكات لە ئەگەری توشبوون بە نەخۆشیەكانی گورچیلە و میزەڕۆ.

بەڕای پسپۆڕانی خوراكی، خواردنی تەماتە سودێكی زۆری بۆ دابەزاندنی كێش هەیە، بە تایبەت بۆ ئەو كەسانەی نەخۆشی شەكرەیان هەیە و كێشان زۆرە، چونكە بەخواردنی بڕێكی كەمی تەماتە ئەو كەسە هەست بە تێری دەكات و خۆراكی دیكەی بۆ ناخورێت.
سودەكانی تەماتە تەنها لەسەر تەندروستی جەستە نییە بەڵكو كاریگەری لەسەر باری دەرونی مرۆڤ هەیە، بەجۆرێگ توێژینەوەیەكی چینی ئاشكرای كردووە، ئەو كەسانەی لەگەڵ ژەمەكانی نان خواردندا ڕۆژانە تەماتە دەخۆن، ئەگەری توشبونیان بە خەمۆكی بە ڕێژەی %52 كەمدەبێتەوە.

پێشتریش چەند توێژینەوەیەك كە لەسەر ماددەی لایكۆبینن ئەنجامدرابوو، سەلماندبووی ئەو ماددەیە ئەگەری توشبونی پیاوان بە شێرپەنجەی  پرۆستات كەمدەكاتەوە، هەروەها ئێسكەكان لە لاوازبوون دەپارێزێت، ئەمەش دەبێتە هۆی كەمكردنەوەی ئەگەرەكانی شكاندنی ئێسك.





ئەم هەواڵە 10243جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad