English | عربی | Kurdî دواهەواڵ
ڕاستەوخۆ  
 
کارتیخ ب کارتیخی ، ناهێتە کارتیخکرن
2020-05-14 [08:16 AM]

نڤیسینا : غیاس خالد زێباری


کارتیخ ئەو ئامیرە یێ دارتاش بۆ حلویکرنا داری بکار دئینن ، تاکۆ ب باشی بهێتە بکارینان بێ زیان . ئەگەر دار نەهێتە کارتیخکرن ، دێ تیژ و زڤر بیت و لدەمێ بکارئینانێ مرۆڤی دێ بریندار کەت .

پرسا کوردستانێ  دارەک ئانکۆ تەختە دارەکێ خار و ڤیچ و پری زڤری و گرێ یە ، بو خۆڕاگری بەرامبەر ئاستەنگ و پیلانا و بەرهەڤیێن باشتر بۆ دابینکرنا پاشەرۆژەکا گەش و دەسکەفتێن مەزنتر ، ئەڤ دارە پێتڤی ب ب کارتیخکرنەکا باش ، داکو هەمی تاکێن جڤاکی بشێن بکار بینن و مفای لێ وەرگرن . 

باشترین کارتیخ ژی زمانێ مرۆڤی یە ، بتایبەت زمانێ رەوشەنبیر و راگەهاندنێ ، دشێن زمانێ خۆ بکەتە کارتیخەکێ سەحراوی بۆ لادان و ڕاکرنا هەمی گرێ و ئاستەنگا و ڕێگرکرنێ ل تەشەنەبوونێ ، بەرۆڤاژی ژی زمان دشێت گرێ و ئاستەنگێن ڕاکری ژی ب مۆکۆمی بچینتەڤە ، ئەڤەژی دێ بیتە ئەگەرێ برینداروونا هەمی تاکێن جڤاکی و وەڵات دێ د خوینێ وەربیت . 

تشتەکێ نوورمالە دناڤ دەسهەڵاتێ و لایەنێن سیاسی زۆر جاران ئاریشە و ناکۆکی پەیدا ببن ، لێ پێتڤی ناکەت تاکێن جڤاکی نەخاسمە کەسێن ڕەوشەنبیر و سازیێن ڕاگەهانێ بکەڤنە بن تاگیریا پارتایەتی و بەرژەوەندێن نەتەوی و نشتیمانی ژبیر بکەن و زمانەکرێ زڤر بەرامبەر لایەنەکێ دیتر بکر بینن کۆ ببنە ئەگەر تەشەنەکرن و مەزنکرنا ئاریشێ . 

ئەرکێ ڕەوشەنبیر و بیرمەند و راگەهاندکارا دکاودانێن دژواردا گرانتر دبیت و پێتڤی یە ب ئەرکێ ئاشتەواریا جڤاکی راببن و نەبنە ئامیرەک د دەستێ لایەنەکێ سیاسی دا . 

بلا کارتیخی لسەر کارتیخی دانەنێیێن ، ئانکۆ زمانەکێ زڤر دگەل ڕەفتار و گۆتنێن زڤر بکار نەئینین ، بکارئینانا گۆتنێن زڤر و نە هەژی د ڕاگەهاندنێ دا ژلایێ کەسێن ڕەوشەنبیر کۆپیتکا بێ ڕەوشتیێ یە ، مخابن بناڤێ ئازادیێ و دیموکراسیێ ل هەرێما کوردستانێ هەوەکا بەرفرەها هێرشکرنێ بۆ سەر لایەنێن کەسایەتیێن سیاسی و جڤاکی بەرپا بوویە . ئەڤ چەندە ژی یا دووری ڕەوشتێ کوردایەتیێ و مرۆڤایەتیێ یە . 

هەر ناکۆکیەکا د وەڵاتی دا هەبیت رێکێن چارەسەریێ نە و ب گۆتنێن زڤر و بێ ڕەوشت ناکۆکی دێ مەزنتر و کوورتر بن ، 
ئەگەر ئەو کەسێن بڤی ڕەنگی رەفتارێ دکەن وە هزر بکەن یێن بەرگریێ ل هزرا خۆ یا سیاسی دکەن ، بەرۆڤاژیا وێ راستە ، چونکی ب رەنگەکێ نەراستەخۆ ئەوێن سەنگ و کەسایەتیا لایەنێ خۆ یێ سیاسی کێم دکەن و د ئیننە رێزا خۆ . 

ئەگەر بڤێت کێم و کاسیێن لایەنێن بەرامبەر ئاشکرا بکەن رێکێن یاسایی هەنە ، یان ژی بلا فاکتەرێن چارەسەریێ بن درێکا کۆمبوونێن لایەنێن سیاسی . 
ئەگەر ڕاستە وان دڤێت ببنە کارتیخ بۆ راستکرنا دەسهەڵاتا کوردستانێ و پڕکرنا کێم و کاسیا ، دەسهەڵاتێ و هەمی ئالیێن سیاسی ب ئێک چاڤ دێ بینین و کارتیخی ل هەمی رەخ و لایەنێن تابلۆی دەن ، نەک لایەکی کارتیخ کەن و لایەکێ دیتر دێ ب گرێ و کەند و لەند هێلن ..! 

ئەوا ئەز دبینم هندک کەسێن بناڤ راگەهاندکار و ڕەوشەنبیر تنێ گرێ و کەند و لەندێن لایەکێ تابلۆی دبینن و کارتیخ دکەن ، لایێ دیکە بۆ بەرژەوەندێن تایبەت و ئاراستە کرێ پەردە بووش دکەن  .  
 
ئەڤە ژی کارتیخ لسەر کارتیخی دانانە ..!  نەک جوانکرن و خەملدارکرنا تابلۆی کۆ ژبلی شێواندنێ و کرێتکرنێ چ کاریگەریەکا دیتر نابیت و هەوڵەکا بۆ شکاندنێ ڤێ تابلۆیێ ب ماندیبوونەکا زۆر هێلکاری بۆ هاتینە کرن و د قۆناغا داویێ دایە ، ئەو ژی هەرێما کوردستانێ یە .





ئەم هەواڵە 193جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad