English | عربی | Kurdî دواهەواڵ
ڕاستەوخۆ  
 
جوان ڕۆژبەیانی: داوامانکردوە دانیشتێکی پەرلەمان بۆ ڕێگری لە سووتانی دەغڵ و دانی جوتیارانی کورد لە ناوچە کوردستانییەکان ئەنجام بدرێت
2020-05-16 [04:20 AM]

ZNA- هەولێر


ماوەیەکە لە ناوچە کوردستانییەکانی دەرەو ئیدارەی هەرێمی کوردستان چاڵاکی جۆراوجۆری تیرۆرستانی داعش ئەنجام دەدرێت دانیشتوانی ئەو ناوچانە دەکرێنە ئامانج و شەهید دەکرێن و لە چەند ڕۆژی رابردوو دا ڕەنج و ماندوبوونی جوتیارانی کورد ئاگریان تێبەرداو سووتاندیان.


جوانی ڕۆژبەیانی سەرۆکی لێژنەی ناوچەکە کوردستانییەکان لەپەرلەمانی کوردستان بە ئاژانسی هەواڵی زاگرۆسی راگەیاند:  لێژنەکەمان لێژنەی ناوچە کوردستانییەکان لە پەرلەمانی کوردستان، کە بە داخەوە ئەوە بۆ ماوەی سێ ساڵ دەچێت و دوای ۱٦ ی ئۆکتۆبەر ئەوە حاڵ و ڕەوشی ناوچە کوردستانییەکانە کە بەدەست تعریب و هێرشە یەک بە دوای یەکەکانی داعش دەناڵێنێ سەر و ماڵی دانیشتوانی ئەو ناوچانە لە ژێر هەرەش و مەتریسدایە.

 

جوان ڕۆژبەیانی گووتی:  وەکو لێژنەی پەیوەندیدار بەو بابەتە بەپێی پەیڕەوی ناوخۆی پەرلەمان هەر ۱۱ ئەندامی لێژنەکەمان بە نوسراوێک داوای دانیشتنی پەرلەمانمان کردووە لەسەر ئەو ڕەوشە ناهەموارەی ناوچە کوردستانییەکان، بە ئاماددەبوونی وەزیرە پەیوەندیدارەکانی حکومەتی هەرێمی کوردستان و شاندی دانوستکاری هەرێم و عێراق. بەڵام بە داخەوە پەرلەمانی کوردستان لە جیاتی ئەوەی شوێنی گفتوگۆ و چارەسەری کێشەکان بێت ، کارەکان تێیدا بە سیاسی کراون و دانیشتنی پەرلەمان ناکرێت. 


هەروەها جوان ڕۆژبەیانی سەرۆکی لێژنەی ناوچە کوردستانییەکان لە پەرلەمانی کوردستان ئەوەشی بۆ ئاژانسی هەواڵی زاگرۆسی خستەروو:  ئەو بابەتەی ئێمەش دەمانەوێ گفتووگۆی لێ بکەین هەرچەند دوا بکەوێت بە خراپی هاونیشتیمانیانمان لەو ناوچانە دەشکێتەوە. 
هەرچەندە ڕەوشی ناوچە کوردستانییەکان کاری زۆری دەوێت تاکو بکەوێتەوە سەر ڕێڕەوی خۆی ،بەڵام لە ئێستادا دەمانەوێ ڕێگری لە سوتاندنی دەغڵ و دانی جوتیاران و هێرشە یەک بەدوای یەکەکانی داعش بگرین لەو ناوچانەدا.

 

دڵشاد یونس هەرکی





ئەم هەواڵە 1615جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad