English | عربی | Kurdî دواهەواڵ
ڕاستەوخۆ  
 
دكتور بدرخان سندی ماموستا و هوزانڤانێ کورد پەروەر
2020-05-17 [01:40 AM]

نڤیسینا : شڤان غازی


دکتور بدرخان سندی ئێکە ژ وان هوزانڤانێت ب ناڤ و دەنگ ل سەر ئاستێ هەرێما کوردستانێ ٫ هوزانڤان و روناکبیرێ کوردستانێ ل سالا ۱۹٤۳ ژدایک بوویە ل باژێرێ زاخو سەر ب پارێزگەها دهوکێ ڤە دەرچویێ بەشێ زانستێن دەرونی یە (علم النفس) ل کولیژا بەغدا ل سالا ۱۹٦٦ ل بەغدایێ پاشان ل وەلاتێ ئینگلترا باوەرناما دکتورایێ بدەستڤە خو ئینا ل کولیژا ویلز ل سالا ۱۹۷۹ پاشان دبیتە ماموستایێ زانکویێ ل کولیژا بەغدایێ د هەمان بوارێ خودا و سەرپەرشتیا ڤەکولینێن چەندین قوتابیێن ماستەرێ و دکتورایێ کریە ل هەمان کولیژ ٫ ب بەردەوامی وەک نڤیسەر و هوزانڤان ژی کار کریە ٫ زور پلە بدەست خوڤە ئیناینە د ژیانا خودا دگەل حکومەتا عیراقێ دبیتە رێڤەر ل مالا رەوشنبیری و بەلاڤوکێن کوردی ل بەغدایێ دیسان ل هەڤلێرێ ژی چەندین پلەیێن گرنگ بدەستخوڤە دئینیت و زور قوتابی بووینە خودانێت باوەرنامێن ماستەرێ و دکتورایێ لسەر دەستێت وی و ب کانیا زانست و زانینێ دهێتە نیاسین ٫ ل هەڤلێرێ دبیتە سەروکێ نڤیسەر و روناکبیرێن کوردستانێ هەروەسا ل عیراقێ ژی دبیتە باوەرپێکریێ روناکبیرێن عیراقێ ٫ ئەگەر ب سەدان لاپەران لسەر ژیانا وی بنڤیسین بدیماهیک ناهێتن ٫ دنڤیسینێن خودا هەردەم رول هەبوویە ژبو ئەو زولم و نەهامەتیێن دەرهەقێ مللەتێ کورد هاتینە کرن لەورا ل سالا ۱۹۹٦ حکومەتا بەعسا گور ب گور ب تاوانا بەلاڤکرنا هزرا علمانی و پشتگیریا کوردان دهێتە سزادان و سزایا ل سێدارەدانێ بو دەردکەڤیت پاشان سزایێ وی تێتە سڤکرن بو هەشت سالان زیندانی کرن ل گرتیخانا ئەبو غرێب ب بریارەکا سیاسی تێتە ل قەلەم دان ٫بوزانین دکتور دبیتە سەر نڤیسەرێ روژناما برایەتی و گەلەک پوستێن دی بدەستخوڤە دئینیت ٫ دکتور بەدرخان سندی ژبلی هندێ بەرگری ژ مافێن هەمی مللەتێ کوردستانێ کریە زور گرنگی ب مافێن برایێن مە کوردێن فەیلی ژی دایە هەردەم زەحمەت و خەباتا وان لبەر چاڤ گرتیە ٫ ب رێیا هوزانێت خو شیایە دلێ سەروک مەسعود بارزانی بخو راکێشیتن و ل زوربەیا بونەیێن سەروک بارزانی تێدا ئامادەدبیت دکتور بدرخان سندی دهێتە داخاز کرن و ب جرئەت ڤە هوزانێت خو پێشکێش دکەت سەروک مەسعود بارزانی ژی ب هوزانێت وی دلخوش دبیتن هندەک جاران ژی هوزانێت رەخنەیی ژی دبێژیت لێ دلێ هەمی خەلکی و سەروکی پێ خوش دبیتن و هەژی بێژین دەمێ سەروک بارزانی د مەراسیمەکێ دا درینیت گوهدانا رستە رستە ژ هوزانێت وی دکەتن و کاریگەریا هوزانێت وی زور ب سەنگن ٫ دکتور بدرخان سندی ب کەنزا هوزانێ کوردی دهێتە نیاسین ٫ بەرهەمێت وی ژی گەلەک زورن دەستکەفتێن وی ژی زورن لێ ب کەسەک سادە و لسەرخو دهێتە دیتن زور جهێ رێزێ یە دناف خەلکێ کوردستانێ ب گشتی ٫ زورێ رەهوانە د گوتنا هوزانێ دا و تبلێن وی ژی زێرینن دەربارەی نڤیسی و مێژویا کوردستانێ و زور نڤیسی یە ئەوێن قوتابیێن لبن دەستێ وی رابین هەردەم خو سەرفرازدبینین ٫ دکتور بدرخان سندی ل هەر بونەیەکێ هوزانەک پر هەست پێشکێشی خەلکێ کوردستانێ کریە و ناڤ و دەنگێ هوزانێت وی د بەربەلاڤن ٫ داخازا ژیەکێ درێژ بو دکتوری دخازین و خودایێ مەزن هێشتا هێزێ بدەتێ تاکو یێ بەردەوام بیتن خزمەت و خەباتا وی لبەر چاڤە و د لاپەرێت مێژویێ دا هاتیە نڤیسین ٫ بەرهەمێت وی ژی گەلەک زورن ب لاپەران دهێنە نڤیسین چەندین کتێب بەلاڤ کرینە هێڤی دارین ب ساخیا وی و خودایێ مەزن ژیەک درێژتر بدەتێ گرنگیەک مەزنتر پێ بهێتە دان چونکی کەسێن مینا دکتور بدرخان دلسوز دکێمن هەر ساخ و سەرفراز بیتن ٫ رابردویەک پاقژ بدیف خودا هێلایە و سەرا کوردایەتیێ زور نەخوشی و نەهامەتی وی و خێزانا وی دیتی زور جهێ رێزێ و سەنگا خو هەیە ٫ د بوارێ پەروەردەیی ل عیراقێ و کوردستانێ زور خزمەت کریە تاکو دبیتە جهێ باوەریا یونسێفێ ژی ٫ دکتور بەدرخان سندی هەردەم رولێ شورەشگێران و بارزانی نەمر بەرز نرخاندی یە د هوزانێت خودا ٫ هەژی بێژم روژانە خەلکێ کوردستانێ هوزان و بەرهەمێت وی بەلاف دکەن تایبەتی ل سوشیال میدیایێ دا و راگەهاندنێ دا زور جاران هەول دایە برێیا هوزانێت خو دەرد و ئێش و ئازارێت خەلکێ هەژار بدەتە دیار کرن بو دەستهەلاتێ دوبارە دێ بێژم دکتورێ خوشتڤی هەژی رێزگرتنەکا مەزنترە٠





ئەم هەواڵە 394جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad