English | عربی | Kurdî دواهەواڵ
ڕاستەوخۆ  
 
ئێران كەشتی نەوتی رەوانەی ڤەنوێلا دەكات و هۆشداریش دەداتە ئەمەریكا
2020-05-18 [10:23 AM]

ZNA – هەولێر


لەسەر داوای ڤەنزوێلا پێنج کەشتی نەوتی ئێرانی بەرەو ڤەنزوێلا بەڕێکەوتوون کە بەبەهای 45.5 ملیۆن دۆلار سووتەمەنییان هەڵگرتووە. ئێرانیش هۆشداریی دەداتە ئەمریکا لە هەر جووڵەیەک دژی ئەو کەشتیانە.

 

میدیاكانی ئەمریکا بڵاویان کردووەتەوە، پێنج کەشتی نەوتی ئێرانی کە چەند بەرهەمێکی نەوت و گازیان هەڵگرتووە بەرەو ڤەنزوێلا بەڕێکەوتوون، ئەمەش سەرباری سزاکانی ئەمریکا بۆ سەر تاران و رێگریکردن لە هەناردەکردنی نەوتی ئێران, چوونی ئەم پێنج کەشتییە نەوتییەی ئێرانيش بۆ ڤەنزوێلا، لەسەر داوای حکومەتی ڤەنزوێلا و خودی نیکۆلاس مادورۆ، سەرۆکی ئەم وڵاتە بووە.
 
کەشتییەکان سەر بە حکومەتی ئێران و ئەو کۆمپانیایانەن کە نزیکن لە حکومەتی ئێران، ئاڵای ئێرانیان بەسەرەوەیە، لە بەندەر عەباسەوە بەڕێکەوتوون و بە نیمچە دوورگەی عەرەبی و دواتریش بە نۆکەندی سوێسدا بەرەو دەریای ناوەڕاست و لەوێشەوە بۆ دەریای کاریبی دەڕۆن.
 
لەبارەی چوونی ئەم پێنج کەشتییە نەوتییە، وەزارەتی دەرەوەی ئێران نامەیەکی ئاراستەی نەتەوەیەکگرتووەکان کرد و تێیدا هۆشداری دا لە دەرهاویشتەکانی نیازی ئەمریکا بە ئەنجامدانی جووڵەیەک دژی کەشتییە نەوتییەکانی لە ناوچەی کاریبی لە ئەمریکای باشوور.
 
محەممەد جەواد زەریف، وەزیری دەرەوەی ئێران نامەیەکی ئاراستەی ئەنتۆنیۆ گۆترێس، سکرتێری گشتیی رێکخراوی نەتەوە یەکگرتووەکان کردووە و لەبارەی ناردنی هێزی دەریایی لەلایەن ئەمریکا و بەربەست دروستکردن لە گواستنەوەی سووتەمەنی لەلایەن ئێران بۆ ڤەنزوێلا هۆشداریی داوە
 
 
 




ئەم هەواڵە 664جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad