English | عربی | Kurdî دواهەواڵ
ڕاستەوخۆ  
 
ئەرێ حکومەتا ھەرێما کوردستانێ چ کریە
2020-05-21 [05:34 AM]

نڤیسینا:دلـۆڤـان ئـەمـجـەد بـارزانی


ھەرێ دبێژن حکومەتا ھەرێما کۆردستانێ چ کریە ، ھندەکێن دبێژن حکومەتا رێزدار (مسرور بارزانی) چ کریە ، ھندەکێن دی یێ دبێژن حکومەتا رێزدار (مسرور بارزانی)یا بارەکێ خراپ دا ،ھەر ھندەکێن تشتەکێ دبێژن لێ مخابن (دەردێ نەڤیانێ دەردەکێ گران و بێ دەرمانە).
نەڤیانا وان کەرب و کینا د دلێ واندا ، جاشاتی و وەلات فروشیا ھندەك لایەنێن سیاسی یا وەلێ کری کو چ تشتا باشی نەبینن ، حکومەتێ ژی ب لایەنێن سیاسی و پارتان ڤە گرێ بدەن کو سەروکێ وێ پارتی یە .

ھەر تشتەکێ بھێتە کرن خو ئەگەر چەندێ باش بیت و د بەرژەوەندیا خەلکێ ھەرێما کۆردستانێ ژی دابیت ئەو ھەر دێ دژایەتیێ کەن و ب نەرینێ و خراپ ناڤ بەن لێ بەلێ چ ژ دەستێن وان ناھێت وەکی ئەم دبینین روژ بو روژێ پارتا وان یا ژ ناڤ دچیت و خەلکی باوەری ب وان نەمایە .

_ ئەرێ حکومەتا رێزدار (مسرور بارزانی) یا ل بارەکێ خراپ دا ؟
راست بێژن حکومەتا خراپە بو وان بەرپرسێن گەندەلێن شەڤ و روژا داھاتێ ئەڤی مللەتی دبەن .
بەلێ حکومەتەکا خراپە بو دزو و مافیا و چەتا و رێگرا .
بەلێ حکومەتەکا خراپە بو وان کەسێن ژ نیشکەکێ ڤە بوینە ھەمی تشت ل سەر حسابا من و تە و مللەتی .
بەلێ حکومەتەکا خراپە بو وان کەسێن چەندین سالە ل دام و دەزگەھێن حکومەتێ و وەزارەتان مووچەیێن بن دیوارا وەردگرن بێ دەوام و خودانێ مووچەیەکێ زێدەترن .
بەلێ حکومەتەکا خراپە بو وان کەسێن ب ناڤ دکتور و مافیایان ئەڤێن رۆژانە دەرمانێن خراپ و ب سەرڤە چوویی د فروشن ب ڤی مللەتی تاقی دکەنە ڤە .
حکومەتەکا خراپە بو وان کەسێن عەرد و ملك و مالێن خەلکی داگیرکری و خودانێن بیرێن نەفتێ نە .
بەلێ حکومەتەکا خراپە بو وان کەسێن ھەولا تێکدانا ئێمناھی و ئاسایش و ئارامیا وەلاتی  ددەن .
بەلێ حکومەتەکا خراپە بو  خیانەتکارا و  وەلات فروشان ، ئەوێن کەرکوك و خانەقین ناڤچەیێن دیێن کوردستانێ فروتی .
ئەڤە و گەلەك تشتێن دی .

_ رێزدار (مسرور بارزانی) ب ئازایانە و زیرەکیا خوە ل دژی وان ھەمی نەحەقیا راوەستا کو ل ھەمبەری ئەڤی مللەتی دھاتنەکرن .
مژولێ چاکسازی و رێکخستنا ھەمی دام و دەزگەھێن حکومەتێ یە و خەلکی کوردستانێ ژی ب دل و گیان  دگەل پێنگاڤێن وی دا بوون .
ئەو کەس و لایەنێن سیاسی شەڤ و روژا ل سایت و پەیجێن سیبەرێن ھەولا بوختان و ناڤ زراندنێ ددەن و دژی حکومەتا وی نە ، ھەر  ئەو کەسن ئەوێن خیانەتکری و ئاخا کوردستانێ فروتی .
ئەو کەسن کو ل سەر حسابا ئەڤی مللەتی بووینە خودان ملك و مال و ڤیلا .
ئەو کەسێن کو کارێ نایاسایی دکەن ژ خوە دترسن .
باش دزانن کو رێزدار (مسرور بارزانی) مژولێ چی یە ژبەر ھندێ وەختە ژ کەربان دا ب پەقن .

_ رێزدار (مسرور بارزانی) سەروکێ حکومەتا کوردستانێ ل سەر دەستێ کارێزمایەکێ  ھندێ مەزن و پیروز یێ ھاتیە پەروەردەکرن کو ھەستا کوردینیێ یا د دلی دا ھاتیە چاندن لەوما پێدڤیە ئەم ھەمی شانازیێ پێ بکەین .





ئەم هەواڵە 307جار خوێندراوەتەوە
 
 
ڤیدیۆ گەلەری
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
ئاسكێك ده‌چێته‌ ناو سه‌رتاشخانه‌یه‌ك، ترس دروست ده‌كات
پشیله‌یه‌ك چۆن رێگری له‌ مارێك ده‌كات هه‌ڵبێت
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad