English | عربی | Kurdî دواهەواڵ
ڕاستەوخۆ  
 
حاڵه‌تێكی ده‌گه‌مه‌ن... سێ منداڵی جمك له‌ دایك بوون هه‌ڵگری ڤایرۆسی كۆرۆنان
2020-06-25 [12:31 PM]

ZNA - هه‌ولێر


رۆژنامه‌ی "زه‌ سه‌ن"ی به‌ریتانی رایگه‌یاند سێ جمك له‌ دایك بوون تووشی ڤایرۆسی كۆرۆنا بوون، دوای ئه‌وه‌ی ڤایرۆسه‌كه‌ له‌ دایكه‌كه‌وه‌ به‌ ئاراسته‌ی منداڵدانه‌كه‌ تێپه‌ڕیوه‌.

له‌ ئێستادا پزیشكان هه‌وڵی ئه‌وه‌ ده‌ده‌ن دڵنیا بن له‌وه‌ی‌ ڤایرۆسه‌كه‌ له‌ منداڵدانی دایكه‌كه‌وه‌ تێپه‌ڕیوه‌ بۆ كۆرپه‌له‌كان دوای له‌ دایك بوونیان تووشی ڤایرۆسه‌كه‌ بوون.

پزیشكان رایانگه‌یاند، ئه‌و حاڵه‌ته‌ پێشینه‌ی نه‌بووه‌، یه‌كێك له‌ جمكه‌كان له‌ نه‌خۆشخانه‌ی ولایه‌تی سان لویس پۆتۆسی له‌ مه‌كسیك له‌ ژێر ئامێری هه‌ناسه‌دان دایه‌ و چاره‌سه‌ر وه‌رده‌گرێت و برایه‌كه‌ی و خوشكه‌كه‌ی باری ته‌ندروستیان جێگیره‌.

پزیشكان جه‌ختیان كرده‌وه‌، ئه‌مه‌ یه‌كه‌م حاڵه‌ته‌ له‌سه‌ر ئاستی جیهان كه‌ له‌ كاتی منداڵبووندا كۆرپه‌له‌ تووشی ڤایرۆس بێت، ئه‌مه‌ش وای له‌ ده‌سه‌ڵاتدارانی خۆجێیه‌تی كرد لێكۆڵینه‌وه‌ له‌مباره‌یه‌وه‌ بكه‌ن، دایك و باوكه‌كه‌ پشكنینیان بۆ ده‌كرێت، ره‌نگه‌ یه‌كێكیان یاخود هه‌ردووكیان بێنیشانه‌ بووبن.

جێی ئاماژه‌یه‌، توێژه‌ران ئاشكرایان كردوه‌ ئه‌و حاڵه‌تانه‌ی كه‌ دایكه‌كه‌ هه‌ڵگری ڤایرۆسی كۆرۆنایه‌ زۆر ده‌گمه‌نه‌ بۆ منداڵدان یاخود له‌ كاتی منداڵبووندا ڤایرۆسه‌كه‌ بگوازرێته‌وه‌، به‌ڵام پێیان وایه‌ هێشتا منداڵه‌كان له‌ سكی دایكیاندا بوون ڤایرۆسه‌كه‌ بۆ ناو منداڵدانی دایك گوازراوه‌ته‌وه‌.

باسیان له‌وه‌ش كرد، له‌گه‌ڵ ئه‌وه‌ی دوو توێژینه‌وه‌ی نوێ ده‌ری خستووه‌، منداڵ له‌ ناو سكی دایكی تووشی ڤایرۆس نابێت، بۆیه‌ ده‌بێت لێكۆڵینه‌وه‌ی زیاتر بكرێت تاكو هۆكاری گواستنه‌وه‌ ڤایرۆسه‌كه‌ بۆ منداڵه‌كان بزانرێت.

 

ئه‌سۆشیێتد پرێس





ئەم هەواڵە 3451جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad