ZNA - هەولێر نڤیسهرهك راگههاند: رۆلێ راگەھاندنێ دکێشان و پیڤانا زانستی و یاسایی و پیشەیی و ھونەری دا دھێتە ھەلسەنگاندن دسەردەمێ نۆکە دا ژ ئەگەرێ پێشکەفتنا تەکنولۆژیا و بەردەست بوون و بکارئینانا وێ ژلایێ زۆرترین بکارئینەران ڤە.
میللهت عسمهت نڤیسهر و روژنامهڤان ب ئاژانسی ههواڵی زاگرۆس راگههاند: رۆلێ راگەھاندنێ دکێشان و پیڤانا زانستی و یاسایی و پیشەیی و ھونەری دا دھێتە ھەلسەنگاندن دسەردەمێ نۆکە دا ژ ئەگەرێ پێشکەفتنا تەکنولۆژیا و بەردەست بوون و بکارئینانا وێ ژلایێ زۆرترین بکارئینەران ڤە بھایێن میدیایی گوھرینێن بلەز ب سەردا ئیناینە ژ دەستھەلاتا چارێ بەرەف دەستھەلاتا ئێکێ ڤە بریە ئێدی وەرگر بریارێ ددەتێ کا چ وەردگریت ژ میدیایێ ب گشتی و کەنگی و چ دەم بەرێ خو ددەتێ، و دخوینیت و گوھداریێ دکەت، دچارچووڤێ ئیتێکا کارێ میدیایی دا ئیتێک تمامکەرا یاسا و پیشەیی بوونا میدیایی یە، ژبەر کو یاسا بتنێ نەشێت ھەمی وان شاشی و تاوانێن بەلاڤکرنێ ببێنیت ژبلی ھندەک تێکستێن یاسایی ئەگەر ئیتێک رۆلێ خو نەگێریت دەزگەھێ میدیایی یان رۆژنامەڤان و میدیاکار بریارێ بدەت بەلاڤکرنا ڤی بابەتی چەند دچارچووڤێ بھایێن رەوشتی یێ کارێ میدیایی و خزمەتا مرۆڤایەتیێ دایە.
میللهت عسمهت گوت: ئەو بابەتێن بەلاڤ دکەت خزمەتا گەل و وەلات و ھاولاتێان دکەت یان بەرۆڤاژی تێکدانا شیرازا جڤاکی یە، ل بەرچاڤ گرتن و بەرێخودانا بابەتێ ئیتیکی ئێدی ژ قوناغا دەزگەھان بەر ب بەرپرساتیا تاکی چوویە زۆر بابەتێن ھەیی مرۆڤ دشێت بەلاڤ کەت لێ دەرئەنجامێن خراب یێن ھەیی وەکی فرەنسی دبێژن بەلێ بەس نەخێر، لەوما بەرپرساتیا تاکێ رۆژنامەڤانە و پاشی دەزگەھێ میدیایی کو بەرپرساتیا جێ بەجێ کرنا ئیتێکێن کارێ راگەھاندنێ بگریتە خو.
ئەم هەواڵە 2167جار خوێندراوەتەوە |