English | عربی | Kurdî دواهەواڵ
ڕاستەوخۆ  
 
پڕۆژەی ئاوەڕۆی هەردوو گەڕەکی ڕۆشنبیری و هەشت هەزاری فەرمانبەران جێبه‌جێ ده‌كرێت
2020-08-05 [12:21 PM]

ZNA - هه‌ولێر


سەرلەبەیانی ئەمڕۆ چوارشەمە 2020.8.5، بەچاودێری د.فرسەت سۆفی پارێزگاری هەولێر و بەئامادەبوونی مەسعود کاڕەش جێگری پارێزگار، لەسەربودجەی پارێزگای هەولێر دەستکرا بەجێبەجێکردنی پڕۆژەی دروستکردنی ئاوەڕۆی هەردوو گەڕەکی ڕۆشنبیری و هەشت هەزاری فەرمانبەران.

بەهۆی نەبوونی ئاوەڕۆ لەم دووگەڕەکەی شاری هەولێر کە کێشە و گرفتی زۆری بۆ دانیشتووانی دروستکردبوو، لە 2020.7.19 دوای سەردانیکردنی بەڕێز پارێزگاری هەولێر بۆ ئەو گەڕەکانە، سەرباری دۆخی سەختی دارایی، د.فرسەت سۆفی پارێزگاری هەولێر بڕیاریدا دوای جەژنی قوربان ڕاستەوخۆ دەست بکرێت بەپڕۆژەی دروستکردنی ئاوەڕۆ لە هەردوو گەڕەک، بەتایبەت ئەو شوێنانەی کە کەۆتۆتە نێو کۆڵانەکان و دانیشتوانی ئەم گەڕەکانەی هەراسانکردووە.

لەمبارەیەوە مەسعود کاڕەش جێگری پارێزگاری هەولێر، لە کۆنگرەیەکی ڕۆژنامەوانیدا بۆ کەناڵەکانی ڕاگەیاندن، ڕایگەیاند: "دوای سەردانیكردنی جەنابی پارێزگار بۆ ئەم گەڕەکانە بەڵێنی بە دانیشتووانی هەردوو گەڕەکدا دوای جەژنی قوربان ڕاستەخۆ دەست بە پڕۆژەی دروستکردنی ئاوەڕۆی ئەم گەڕەکانە دەکرێت، ئەوەبوو لە بەڕێوەبەرایەتی ئاو و ئاوەڕۆ و سەرۆکایەتی شارەوانی هەولێر تیمێک پێکهێنرا بۆ دەرخستەی تێچوو و نەخشەدانان و چۆنیەتی جێبەجێکردنی پڕۆژەکە، ئەمڕۆش خۆشبەختانە ئەم پڕۆژەیە کەوتە بواری جێبەجێکردن".

جێگری پارێزگاری هەولێر وتیشی، "ئەم پڕۆژەیە لە سێ قۆناغ پێکهاتووە، قۆناغی یەکەم ئێستا لە گەڕەکی رۆشنبیری دەستی پێکراوە، قۆناغی دووەمیش هەر لەم گەڕەکەیە و قۆناغی سێیەمیش لەگەڕەکی فەرمانبەرانە و پێشهاتنی وەرزی باران بارین پڕۆژەی دروستکردنی ئاوەڕۆی هەردوو گەڕەک تەواودەکرێت".

ڕاگەیاندنی پارێزگای هەولێر

2020.8.5





ئەم هەواڵە 3070جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad