English | عربی | Kurdî دواهەواڵ
ڕاستەوخۆ  
 
پەیامی پیرۆزبایی دەزگای رۆشنبیری و راگەیاندنی پارتی دیموکراتی کوردستان بە بۆنەی (٥٧)مین ساڵیادی دامەزراندنی ئێزگەی دەنگی کوردستان
2020-09-27 [07:00 AM]

ZNA  - ھەولێر



 بەڕێزان/ بەڕێوەبەر و ھەڤاڵانی ئەنجوومەنی بەڕێوەبردن و کادیر و کارمەندانی رادیۆی دەنگی کوردستان.. 

لە بیرەوەریی (٥٧)ەمین ساڵیادی دامەزراندنی(ئێزگەی دەنگی کوردستان) پیرۆزباییەکی گەرم ئاراستەی ئێوەی بەڕێز و بیسەرانی رادیۆ ئازیزەکەتان دەکەین و، دەستی ھەوڵ و کۆشش و ماندووبوونتان دەگوشین، ھیواخوازین ھەمیشە بەوپەڕی بەرپرسێتی و لەخۆبردوانە بەردەوامبن لە خزمەتی زیاتر و بەرچاوتر بە رەوتی تێکۆشانی گەلەکەمان و بواری میدیایی. 

دامەزراندنی ئێزگەی دەنگی کوردستان بە بڕیار و رێنمایی رێبەر و سەرکردەی نەمر (مستەفا بارزانی) ھەنگاوێکی گرنگ و بەرپرسانە بوو و، لەو قۆناغەی خەباتی نەتەوەیی و نیشتیمانی گەلەکەماندا رۆڵی دیار و کاریگەری خۆی ھەبوو لە ھۆشیارکردنەوە و داکۆکیکردن لە بیروباوەڕ و گیانی نەتەوەیی و نیشتیمانپەروەریی، ھەروەک تا ئەمڕۆش دەنگێکی تایبەتمەندە لەرووی بەخشش و ئەرشیفی دەوڵەمەندی شۆڕشگێڕیی و کولتووریەوە و، لەرێی بەرنامە و پرۆگرامەکانیەوە توانیویەتی رۆژ بە رۆژ بەربڵاوتر خزمەت بە ھاوڵاتیان و دۆزی رەوای گەلەکەمان بکات... 

لەو بۆنەیەدا وێرای دووپاتکردنەوەی تەواوی پشتیوانیمان بۆ ئێزگەی دەنگی کوردستان ئومێدەواین زیاتر و باشتر لە ھەموو روویەکەوە بەرەو پێش بچن و لەئاست ئەو ئەرکە پیرۆزەی خۆتان بن لە خزمەتکردنی بیسەرانتان و ھاووڵاتیان. 

جارێکی دیکە یادی دامەزراندنی ئێزگەی دەنگی کوردستان پیرۆزبێ و، سڵاو بۆ ئەو ماندوونەناسانەی لە کاروانی خزمەتی کوولتور و رۆشنبیریی و دۆزی رەوای گەلەکەمان کۆڵیان نەدا و ناو و جێدەست و دەنگ و سەدایان ھەر بە زیندوویی ماوەتەوە.. 


دەزگای رۆشنبیری و راگەیاندنی
 پارتی دیموکراتی کوردستان

 





ئەم هەواڵە 2143جار خوێندراوەتەوە
 
 
ڤیدیۆ گەلەری
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
شێرەکانیش یاری تۆپی پێ دەکەن
رووداوێكی سەیر پڵنگێك راوی سەگێك لەبەردەم دەرگای ماڵێك دەكات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad