English | عربی | Kurdî دواهەواڵ
ڕاستەوخۆ  
 
بەسەرپەرشتی پارێزگاری هەولێر، کۆبوونەوەی لێژنەی پەرەپێدانی هاتووچۆ ئەنجامدرا
2021-03-30 [02:54 AM]

ZNA- هەولێر


 

دوای نیوەڕۆی ئەمڕۆ سێشەمە 2021.3.30، بەسەرپەرشتی ئومێد خۆشناو، پارێزگاری هەولێر و بەئامادەبوونی مەسعود کاڕەش جێگری پارێزگار و نەبەز عەبدالحمید قائیمقامی ناوەند و هەریەک لە بەڕێزان سەرۆکی شارەوانی و بەڕێوەبەری پۆلیسی هاتووچۆی هەولێر و بەڕێوەبەری ئەندازەی هاتووچۆ و بەڕێوەبەری کاروباری ناوخۆی پارێزگا و ژمارەیەکی دیکە لە ئەفسەرانی بەڕێوەبەرايەتی هاتووچۆی هەولێر و بەرپرسانی شارەوانی، لەدیوانی پارێزگا، کۆبوونەوەیە سەبارەت بە ڕێکخستن و پەرەپێدانی هاتووچۆی ناوشاری هەولێر ئەنجامدرا.

لەکۆبوونەوەکەدا باس لە پەرەپێدان و باشترکردنی سیستەمی هاتووچۆی لەناو شاری هەولێر بەشێوەیەکی گشتی کرا و تیشک خرایە سەر ڕێکخستنەوەی شەقامەکان و شوستەکان و ئەو شوێنانەشی کە پێویستیان بە پردی پەڕینەوەی پیادە هەیە، هەروەها کۆبوونەوە گفتوگۆی لەبارەی چارەسەرکردنی ئەو شوێن و شەقامانەش کرد کە لەچەند شوێنێکی شاری هەولێر قەرەباڵغی زۆریان کەوتۆتەسەر.

لەکۆتایشدا ئومێد خۆشناو، پارێزگاری هەولێر، بۆ ڕێکخستن و پەرەپێدانی هاتووچۆی ناوشاری هەولێر، پاڵپشتی تەواوی خۆی بۆ بەڕێوەبەرایەتی هاتووچۆی هەولێر و سەرۆکایەتی شارەوانی نیشاندا.





ئەم هەواڵە 469جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad