English | عربی | Kurdî دواهەواڵ
ڕاستەوخۆ  
 
شاندی په‌رله‌مان و وه‌زاره‌تی پێشمه‌رگه‌ پرسی چارەسەرکردنی کێشەی مووچەی لیوا ھاوبەشەکانیان تاووتوێكرد
2021-03-31 [08:44 AM]

ZNA-هەولێر


لیژنەی کاروباری پێشمەرگە لەگەڵ وەزیری پێشمەرگە و بەرپرسانی باڵای وەزارەت کۆبوویەوە
بە مەبەستی بەدواداچوون بۆ چەند پرسێکی گرنگی پەیوەست بە کاروباری پێشمەرگە،  لیژنەی کاروباری پێشمەرگە بەسەرپەرشتی ڕێڤینگ ھرۆری سەرۆکی لیژنە و بە یاوەری جێگری سەرۆکی لیژنە و بریاردەر بەشێک لەئەندامانی لیژنەکە سەردانی وەزارەتی پێشمەرگەیان کرد، و لەلایەن شورش ئیسماعیل وەزیری پێشمەرگەی حکومەتی هەرێمی کوردستان، جەبار یاوەر ئەمینداری گشتی وەزارەتی پێشمەرگە، جمال ئێمینکی سەرۆکی ئەرکانی ھێزەکانی پێشمەرگە و ڕاوێژکارانی وەزارەت پێشوازییان لێکرا.
لە دیدارێکدا، چەندین تەوەری گرنگ گفتوگۆیان لەبارەوە کرا، لەوانە پرسی چارەسەرکردنی کێشەی مووچەی لیوا ھاوبەشەکان و بەربەستەکانی بەردەم یاسای چاکسازی .
تەوەرێکیتری کۆبوونەوەکەدا، باس لە کردنەوەی دەرگای خانەشینی بۆ ھێزەکانی پێشمەرگە کرا، هاوکات باسیان لە دانانی میکانزمێکی یاسایی کرد بۆ چارەسەرکردنی پێشمەرگە بریندارەکانی شەری دژ بە داعش.
پرسی چارەسەری کێشەی مووچە و بابەتی هەبوونی دادپەروەری لە لیواکان بە تایبەت لە میحوەرەکان، و ھێرش و مەترسیەکانی سەر ھێزەکانی پێشمەرگە، و ھەنگاوەکانی چارەسەری کێشەی بندیوار و ڕێکخستنی میلاکی سەربازی و دروستکردنی ھەژماری بانکی بۆ ھێزەکانی پێشمەرگە چەند تەوەرێکیتری کۆبوونەوەکە بوون.
لە کۆتایی کۆبوونەوەکەدا، ھەردوولا بڕیاریاندا بەیەکەوە ھەوڵەکانیان بخەنەگەر بۆ ئەنجامدانی چاکسازی و چارەسەرکردنی کێشەکان.





ئەم هەواڵە 385جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad