English | عربی | Kurdî دواهەواڵ
ڕاستەوخۆ  
 
نێچیرڤان بارزانی: سەرۆکی فەرەنسا جەختی لەوە کرده‌وه‌‌ كه‌ئامادەی هاوکاری و پشتگیرییە بۆ هەرێمی کوردستان و عێراق
2021-03-31 [08:45 AM]

ZNA-هەولێر


نێچیرڤان بارزانی، سەرۆکی هەرێمی کوردستان لە پاریس کۆنفرانسێکی رۆژنامەوانی ئەنجامدا و باسی لە دیدار و کۆبوونەوەکانی کرد.

نێچیرڤان بارزانی لە کۆنفرانسە رۆژنامەوانییەکە رایگەیاند: ''فەرەنسا رۆڵێکی گەورەی لە هاوکاریی سەربازیی و مرۆیی عێراق هەیە و جەختی لەوەش کردەوە ئامادەن هاوکاری عێراق بکەن''.

راشیگەیاند: ''سەرۆک ماکرۆن پیرۆزبایی لە عێراق و هەرێمی کوردستان بۆ سەردانی پاپا فرانسیس کە سەردانێکی سەرکەوتوو بوو''.

سەرۆکی هەرێمی کوردستان ئاماژەی بەوەشکرد: ''هەردوولا کۆک بووین لەسەر ئەوەی هێشتا هەڕەشەی تیرۆر هەڕەشەیەکی جدییە. هەروەها باسمان لە بابەتی سووریا و پەیوەندیمان لەگەڵ دراوسێکانمان کرد''.

نێچیرڤان بارزانی گووتی: ''سەرۆکی فەرەنسا ئامادەیی نیشانداوە بۆ چارەسەرکردنی کێشەکانی عێراق و پشتگیریی لە دانوستانەکان کردووە. نیازم هەیە لەوبارەوە لەگەڵ سەرۆکی ئەنجوومەنی وەزیران عێراق و سەرۆک کۆماری عێراق و کوتلە سیاسییەکانی عێراق قسە بکەین''.

لەبارەی بودجەی عێراق و ناکۆکییەکان گووتی: ''ئەو شێوە مامەڵەی بەغدا لەگەڵ هەرێمی کوردستان، بە هیچ جۆرێک فیدراڵی نییە و لە دونیا نییە. ئەم سیستمە تاوەکو ئێستا لە عێراق جێگیر نەکراوە''.

روونیشکردەوە: ''هەرێمی کوردستان نەک هۆکاری کێشەکان نییە، بەڵکو ئامادەی هاوکارییە بۆ کێشەکانی دیکەی عێراق''.

راشیگەیاند: ''هیوادارین ئەو رەشنووسەی هەولێر و بەغدا لەسەری رێککەوتن، دەنگی لەسەر بدرێت''.

دوێنی سێشممە، سەرۆکی هەرێم لەگەڵ ئیمانیۆل ماکرۆن، سەرۆکی فەرەنسا، و ژان لودریان، وەزیری دەرەوەی فەرەنسا، لە پاریس کۆبووەوە.





ئەم هەواڵە 466جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad