English | عربی | Kurdî دواهەواڵ
ڕاستەوخۆ  
 
ل دهۆكێ تووشبوویێن كۆرۆنایێ یێن ره‌وشا وان مه‌ترسیدار به‌ره‌ڤ زێده‌بوونێ دچن
2021-03-31 [03:29 AM]

ZNA-هەولێر


سەرپەرشتێ چارەسەرکرنا تووشبوویێن کۆرۆنایێ ل ساخلەمیا پارێزگەھا دھۆکێ دیارکر:" رۆژانە حالەتێن کۆرۆنایێ ل دھۆکێ دزێدەبوونێ دانە ھەکە وەلاتی ھەڤکار نەبن رەنگە جھێ تووشبوویان ناڤ نەخۆشخانەیێن دھۆکێ دا نەمینیت".

د. موئەیەد ئەغالی، سەرپەرشتێ چارەسەرکرنا تووشبوویێن کۆرۆنایێ ل ساخلەمیا پارێزگەھا دھۆکێ راگەھاندکو: "ساخلەمیا دھۆکێ ھەتا ٢٠٠ تووشبوویێن رەوشا وان دژوار دشێت ناڤ نەخۆشخانەیێن کۆرۆنایێ دا چارەسەر بکەت، دگەل ٤٠ تەختێن چاڤدێریا چر، نۆکە بەرێ چەند رۆژان ٥٧ تووشبوویێن کۆرۆنایێ ناڤ نەخۆشخانێ دا بوون لێ ئەڤرۆ ٣١/٣/٢٠٢١ێ ھژمارا تووشبوویێن ناڤ نەخۆشخانێ دا بلندبوویە، نۆکە ٨٨ تووشبوویێ ژێر چارەسەرێ دانە، ئەڤە ھەموو ئەو نەخۆشن یێن رەوشا وان دژوار و مەترسیدار ".

گۆتژی: "رەوش یا مەترسیدار ھژمارا تووشبوویێن رەوشا وان دژوار و مەترسیدار بەرەڤ زێدەبوونێ یە، پێشبینی دھێتە کرن ھژمارا تووشبوویان ھێشتا بلند بیت، ھەکە وەلاتی ھەڤکار نەبن، لەورا ژی ئەم بەردەوام ئاموژگاریان ل خەلکێ خۆ دکەین کەمامێ بکاربینن دەمێ ژ مال دەرکەڤن".

سەرپەرشتێ چارەسەرکرنا تووشبوویێن کۆرۆنایێ ل ساخلەمیا پارێزگەھا دھۆکێ ئاشکەرا کر: "ئەم حەز دکەین زێدەتر رەوش خراب نەبیت، داکو بشێن کونترول لسەر رەوشا تووشبووییێن کۆرۆنایێ یێن ناڤ نەخۆشخانێ بکەین، لەورا بەردەوام ئەم داکوکی لسەر بجە ئێنانا ھەموو رێنمایێن ساخلەمیێ دکەین بۆ بەرھەنگاریا کۆرۆنایێ، ھێڤدارین خەلک باشتر ھەڤکار بن داکو چوو کارەسات دروست نەبن".

باسنیوز





ئەم هەواڵە 319جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad