English | عربی | Kurdî دواهەواڵ
ڕاستەوخۆ  
 
پارێزگاری هەولێر، سەردانی قائیمقامیەتی قەزای دەشتی هەولێری کرد
2021-04-01 [12:26 PM]

ZNA -ھەولێر


 
نیوەڕۆی ئەمڕۆ پێنج شەمە 2021.4.1، ئومێد خۆشناو، پارێزگاری هەولێر، بەیاوەری هەریەک لە مەسعود کاڕەش و هێمن قادر، جێگرانی پارێزگار، سەردانی قایمقامیەتی قەزای دەشتی هەولێری کرد و لەلایەن جوان فەتحوڵا، قائیمقامی قەزای دەشتی هەولێر و بەرێوەبەری ناحییەکان و بەرپرسانی ئیدارەی قەزاکە بەگەرمی پێشوازیان لێکرا.
 
لەکۆبوونەوەیەکدا، لەگەڵ قائیمقام و بەرێوەبەری ناحییەکان و بەپرسانی ئیداری قەزاکە، پارێزگاری هەولێر،  لەڕەوشی ناوچەکە و چۆنیەتی بەڕێوەچوونی ئەرک و کارەکانی کۆڵییەوە و سوپاسی قائیمقام و بەرپرسان و سەرجەم فەرمانبەرانی ناوچەکەی کرد کە بەم دۆخە سەختەی دارایی و بارودۆخەی بەهۆی ڤایرۆسی کۆرۆنا دووچاری هاتووین کارە ئیدارییەکانیان بەسەرکەوتووی بەڕێوەبردووە، پاشان تیشکی خستە سەر ئەرک و جێبەجێکردنی فەرمان و ڕێنماییەکان و کارکردن بە شەفافیەت و  ڕێگریکردن لەگەندەڵی و هەر کارێک کە لەگەڵ ڕێنمایی و رێکار و یاساییەکان ناگونجێت، لەوبارەیەوە پارێزگاری هەولێر ڕایگەیاند: "نابێت بەهیچ شێوەیەک ڕێگە بەهیچ کەس ولایەک بدرێت کاری سەرپێچی و زێدەڕۆیی ئەنجامبدات، لەسەر ئەو بنەمایەش هەموو هەوڵەکانتان بخەنەگەڕ بۆ ڕێگەنەدا بە ئەنجامدانی سەرپێچی و زێدەڕۆیی".
 
سەبارەت بە گەیاندنی خزمەتگەیاند و خزمەتگوزاری بەهاوڵاتییانی سنوورەکە، پارێزگای هەولێر ڕایگەیاند: " وەکو پارێزگای هەولێر، لەپێناو خزمەتکردنی هاوڵاتییانی ناوچەکە، تەواوی پاڵپشتی خۆمان بۆپرۆژە و کارەکانتان و خزمەتکردنی ئەوسنوورە دووپاتدەکەینەوە و پارێزەری کەسایەتی و مافەکانی فەرمانبەر و بەرپرسانی فەرمانگەو بەڕێوەبەرایەتییەکانی سنووری ئیدارەی خۆمانین، پێویستە لەسەر فەرمانگە و بەڕێوەبەرایەتییەکان و بەرپرسان و فەرمانبەرانی ئەو ناوچەیەش، بەوپەڕی ڕێزگرتن بەدەم خواست و داواکاری و داخوازییەکانی هاوڵاتییان بچن، لەوپێناوەشدا چیتان لەتوانادا هەیە بۆ خزمەتکردنیان و ڕاییکردنی کاروبارەکانیان درێغی لێنەکەن، ئامانجی لەپێشینەی ئێمە لەپارێزگای هەولێر خزمەتکردنی هاوڵاتییان و گەیاندنی خزمەتگوزارییە لە سنووری پارێزگەکەمانە بەشێوەیەکی یەکسان و بەبێ جیاوازی لەسەرجەم قەزاو ناحییەکان.




ئەم هەواڵە 523جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad