English | عربی | Kurdî دواهەواڵ
ڕاستەوخۆ  
 
برووسكەی پیرۆزبایی مەكتەبی سیاسی پارتی دیموكراتی كوردستان
2021-04-01 [12:29 PM]

ZNA- هەولێر


برووسكەی پیرۆزبایی مەكتەبی سیاسی پارتی دیموكراتی كوردستانبەبۆنەی (87)مین ساڵیادی دامەزراندنی حزبی شیوعی عیراق

بەڕێز/ رائید فەهمی - سكرتێری كۆمیتەی ناوەندی حزبی شیوعی عێراق
بەڕێزان/ئەندامانی مەكتەبی سیاسی و كۆمیتەی ناوەندی حزبی شیوعی عیراق..

بەبۆنەی(87)ەمین ساڵوەگەڕی دامەزراندنی حزبی شیوعی عیراق، پیرۆزباییەكی گەرم ئاراستەی ئێوەی بەڕێز و كادیر و ئەندام و لایەنگرانی حزبە تێكۆشەرەكەتان دەكەین و، هیوای پێشكەوتن و سەركەوتنتان بۆ دەخوازین.

حزبی شیوعی عیراقی یەكێكە لەو حزبە خەباتگێڕانەی بەدرێژایی كاروانی خەباتی سیاسی و مێژوویی خۆیدا هاوپەیمانێكی راستەقینەی پارتیمان بووە و رۆڵی كاریگەر و گرنگی خۆیشی بینیوە وەك داكۆكیكەرێكی دڵسۆز لە مافە رەواكانی خەڵك، لەو رێگایەشدا قوربانی و شەهیدی زۆری داوە و ئەمەش مایەی شانازییە بۆ حزبەكەتان و خەباتی رەوای گەلانی عێراق.

ئەمڕۆ عێراق بەهۆی كێشە و گیروگرفتە كەڵەكەبووەكانەوە لە بەردەم قۆناخێكی هەستیار و گرنگدایە، بۆیە پێویستە و ئەركی سەرشانی گشت پارت و لایەنە سیاسییە دڵسۆزەكانە لە هێزە نیشتیمانی و پێشكەوتنخواز و دیموكراسییەكان هاوهەڵوێست بن بۆ چارەسەركردنی ئەو كێشانە و بنبڕكردنی قەیرانەكان، دیارە ئەمەش لەرێگای كاركردن بۆ پتەوتركردنی دامەزراوە دەستوورییەكان و پەیرەوكردن و چەسپاندنی بنەماكانی تەوافوق و ھاوسەنگی و بەشداری ھەموو پێکھاتەکان و بەرقەراربوونی ئاشتەوایی و سەقامگیریی و ئارامیی دێتە دی، هەروەها داننان بەتەواوی مافە نەتەوایەتی و پێكهاتەكانی گەلانی عیراق بەپێی بنەما یاسایی و دەستوورییەكان.
بەو بۆنەیەوە دووبارە جەخت دەكەینەوە سەر هاوپەیمانیی و دۆستایەتی لەمێژینەی نێوانمان و سووربوون لەسەر پتەوكردنی پرەنسیپە راست و دروستەكانی خەبات و تێكۆشانی سەردەمیانە و دیموكراسیانە و بەدیهێنانی ئامانجە هاوبەشەكانمان.
     سڵاو لە گیانی پاكی شەهیدانی ئازادی و دیموكراسی..

مەكتەبی سیاسی
پارتی دیموكراتی كوردستان
١ـی نیسانی ٢٠٢١





ئەم هەواڵە 553جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad