English | عربی | Kurdî دواهەواڵ
ڕاستەوخۆ  
 
پێنج ڕێککەوتن و یاداشتنامەی لێکتێگەیشتن له‌ نێوان عێراق و سعودیە واژوو كراوه‌
2021-04-01 [05:23 AM]

ZNA - هه‌ولێر


 

ئەمڕۆ پێنجشەممە سەرۆک وەزیری عێراق پاش سەردانەکەی بۆ عەرەبستانی سعودیە بۆ بەغدای پایتەختێ عێراق گەڕایەوە کە ئه‌نجامی سه‌ردانه‌كه‌ی پێنج ڕێککەوتن و یاداشتانەمه‌ی ڕێککەوتنی لە نێوان هەردوو وڵات لێكه‌وته‌وه‌.

ئۆفیسی ڕاگەیاندنی سەرۆکوەزیری عێراق مستەفا کازمی لە پۆستێکیدا لە فەیسبووک ئاماژەی بەوە کردووە کە پێنج ڕێککەوتن و لێکتێگەیشتنی هاوبەش لە نێوان هەردوو وڵات واژوو كراوه‌.

هەردوولا جەختیان کردەوە لەسەر گرنگی هاوکاری هاوبەشی نێوان هەردوو وڵات کە چەند خاڵێک لە خۆ دەگرێت خاڵەکانیش بریتین لەمانە:

یەکەم- دامەزراندنی سندوقێکی هاوبەشی عێراق و سعودیە کە سەرمایەکەی بە سێ ملیار دۆلار مەزەندە دەکرێت ئەمەش وەک بەشدارییەکی سعودیە لە زیادکردنی وەبەرهەمهێنان لە بوارەکانی ئابوری لە عێراقدا بە شێوەیەک کە لە بەرژەوەندی ئابوری هەردوو وڵاتدا بێت.

دووهەم- هاوکاریکردن لە بوری وزە و هەوەها هەماهەنگی کردن لە هەڵوێستەکانیاندا سەبارەت بە بابەتەکانی پەیوەست بە پترۆلەوە لە نێو ڕێکخراوەکانی وڵاتانی هەناردەی نەوەت لەوانەدا ئۆپیک.

سێهەم- جێبەجێکردنی پرۆژەی بەستنی کارەبای نێوان هەردوو وڵات.

چورهەم- زیادکردنی هەماهەنگی لە بوارەکانی دیپلۆماسیدا.

پێنجهەم- زیادکردنی دەرفەتەکانی وەبەرهەمهێنان بۆ کۆمپانیا سعودییەکان و بانگهێشتکردنیان بۆ زیادکردنی کارەکانیان لە عێراق.

لە میانەی سەردانە مێژوویەکەی بۆ عەرەبستانی سعویە مستەفا کازمی ڕۆژی چوارشەممە لەگەڵ شازادەی جێنشین محەمەد بن سەلمان کۆبۆوە و جەختیان کردەوە لە گرنگی پەیوەندییە دوولایەنەکان و دۆزینەوەی ڕێگاکان بۆ هاوکاری سیاسی و ئاسایشی هەرێمی.





ئەم هەواڵە 1126جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad