English | عربی | Kurdî دواهەواڵ
ڕاستەوخۆ  
 
پارێزگاری هەولێر لەگەڵ بەڕێوەبەر و پلەدارانی بەڕێوەبەرایەتی گشتیی پۆلیسی دارستان و ژینگەی هەرێم کۆبۆوە
2021-04-04 [01:23 AM]

ZNA- هەولێر



سەرلەبەیانی ئەمڕۆ یەکشەممە 2021.4.4، ئومێد خۆشناو، پارێزگاری هەولێر، بەمەبەستی لە نزیکەوە ئاگاداربوون لە ئەرک و کارەکانیان، لەدیوانی پارێزگا، لەگەڵ  عەمید عبدالستار زێباری بەڕێوەبەری گشتیی پۆلیسی دارستان و ژینگەی هەرێم و ژمارەیەک لە ئەفسەر و پلەدارانی سەر بە بەڕێوەبەرایەتی ناوبراو کۆبۆوە.

لەکۆبوونەوەکەدا، دوای ئەوەی لەلایەن بەڕێوەبەری گشتیی پۆلیسی دارستان و ژینگەی هەرێم بۆ باشتر بەڕێوەچوون و بەجێگەیاندنی ئەرک و کارەکانییان باس لە بەشێک لە پێداویستی و چارەسەرکردنی کەم و کوڕییەکان کرا، لەلایەن خۆیەوە پارێزگاری هەولێر، وێڕای پاڵپشتی و هاوکاری بەڕێوەبەرایەتی ناوبراو ڕایگەیاند: "ئەوەی لەتوانای ئێمە دابێت بەدڵنیاییەوە درێغی لێناکەین، ئەرک و کاری ئێوە وەکو بەڕێوەبەرایەتی گشتیی پۆلیسی دارستان و ژینگەی هەرێم گرنگی خۆی هەیە لای ئێمە، ئامانجی ئێمەش ڕوونە لە پاراستنی ژینگە و دارستان و ڕووبارەکان و نەهێڵان و لادانی زێدەڕۆییە بەهەموو شێوەیەک، ئێوەش بەو ئەرکەی کەوتۆتە سەر شانتان دڵنیاین لەئاست ئەو بەرپرسیاریەتییەن".

پارێزگاری هەولێر هەروەها وتی: "ئەوەی گرنگە بەلای ئێمەوە ڕێگە نەدانە بەهیچ کەس و لایەنێک کە زێدەڕۆیی بکاتە سەر دارستان و سەوزایی و ڕووبارەکان و ژینگەی وڵاتەکەمان پیس بکات، پاراستنی ڕووبار و ئاوی ژێر زەویی و ڕاوکردنی نایاسایی و ڕێگەنەدان بە ئەنجامدانی زێدەڕۆیی بۆسەر دارستانەکان و سەوزایی و ئەرزی کشتوکاڵی ئەرکی سه‌رشانی هه‌موو لایه‌كمانه‌ به‌تایبه‌تی ئێوە، بۆیە هەر کەسێک ئەنجامی بدات نابێت چاوپۆشی لێبکرێت".





ئەم هەواڵە 367جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad