English | عربی | Kurdî دواهەواڵ
ڕاستەوخۆ  
 
پەیامی سەرۆک نێچیرڤان بارزانی لە یادی چل و یەک ساڵەی جینۆسایدی کوردانی فەیلیدا
2021-04-04 [08:13 AM]

ZNA - ھەولێر



لە یادی چل و یەک ساڵەی زنجیرە تاوانەکانی جینۆساید و وڵاتبەدەرکردن و بێسەروشوێنکردنی خوشک و برایانی کوردی فەیلیدا، شەھیدان و ستەملێکراوانی لەیادنەچووی ئەو تاوانانە بە ڕێز و شکۆوە یاد دەکەینەوە.

وڵاتبەدەرکردنی سەتان ھەزار کوردی فەیلی و بێسەروشوێنکردنی دەیان ھەزاری دیکەیان، لێسەندنەوەی ڕەگەزنامە و زەوتکردنی ماڵ و موڵکیان، جینۆسایدێکی ڕەگەزپەرستانەی بەعس بوو بەرامبەر بە کوردانی بێگوناھی فەیلی کە جگە لە کوردبوون و داکۆکیکردن لە ناسنامە و مافە ڕەواکانی میللەتەکەیان، ھیچ تاوان و خەتایەکیان نەبوو.

ناساندنی ئەو تاوانانە بە جینۆساید لەلایەن دادگای باڵای تاوانەکانی عێراقەوە، بڕیارێکی دادپەروەرانە و ڕەوا بوو، ئەو بڕیارە دەوڵەت و حکوومەتی عێراق دەخاتە بەر ئەرک و بەرپرسیاریەتیی قەرەبۆکردنەوەی ماددی و مەعنەویی قوربانییان و زیانلێکەوتووان.

داوا لە حکوومەتی فیدراڵی عێراق دەکەین ئەو ئەرکە یاسایی و ئەخلاقی و ویژدانییەی بەجێ بگەیەنێت و موڵک و ماڵ و ڕەگەزنامە و مافە مەدەنییەکان و قەرەبۆی زیانەکان بۆ کوردانی ستەمدیدەی فەیلی بگێڕێتەوە و کێشە و گرفتەکانیان چارەسەر بکات.

سڵاو و دروود بۆ گیانی پاکی شەھیدانی کوردی فەیلی. سڵاو و ڕێز بۆ خانەوادە سەربەرزەکانیان دەنێرین. خەبات و دڵسۆزی و قوربانیدانی خوشک و برایانی کوردی فەیلی بۆ ھەمیشە جێی شانازیی گەلەکەمانە.

نێچیرڤان بارزانی

سەرۆکی ھەرێمی کوردستان

٤/٤/٢٠٢١





ئەم هەواڵە 454جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad