English | عربی | Kurdî دواهەواڵ
ڕاستەوخۆ  
 
بە ئامادەبوونی پارێزگاری هەولێر و کونسوڵی گشتی بەریتانیا، له‌هەولێر شەقامێک ناونرا "سێر جۆن مەیجۆر"
2021-04-05 [03:35 AM]

ZNA- ھەولێر


 
ئەمڕۆ دووشەمە 2021.4.5، لەژێر چاودێریی ڕێزدار مەسروور بارزانی سەرۆكی حكوومەتی هەرێمی كوردستان و بەئامادەبوونی ئومێد خۆشناو، پارێزگاری هەولێر و ساسان عەونی وەزیری شارەوانی و گەشت و گوزار و سەفین دزەیی، بەرپرسی فەرمانگەی پەیوەندییەکانی دەرەوەی حکومەتی هەرێمی کوردستان و جەیمس سۆرنتن، کونسوڵی گشتی بەریتانیا لە ھەرێمی كوردستان، لە یادی 30 ساڵەی بڕیاری 688ی ئەنجوومەنی ئاسایش لەكاتی كۆڕەوە مەزنەكەی گەلی كوردستان، لە رێورەسمێکدا لەشاری هەولێر پەردە لادرا لەسەر تابلۆی شەقامێک بەناوی "سێر جۆن مەیجۆر"ی سەرۆكوەزیرانی پێشووتری بەریتانیا كە ڕۆڵی دیاری هەبوو لە دەركردنی بڕیاری 688 و راگەیاندنی ھێڵی 36 کە ڕژێمی پێشووی عێراق چیتر نەیتوانی ھێرش بكاتەوە سەر ھەرێمی كوردستان.
 
لەوبارەیەوە ئومێد خۆشناو، پارێزگاری هەولێر ڕایگەیاند: "کردنەوەی ئەم شەقامە پەیامی وه‌فاداری خەڵکی کوردستانە بەرامبەر ئەوکەسانەی ڕۆژێک لە ڕۆژان هاوکاری کوردستانیان کردووە، ئەمڕۆش لەژێرچاودێری و ڕاسپاردەی ڕێزدار جەنابی مەسرور بارزانی، سەرۆکی حکومەتی هەرێمی کوردستان، کارێکی لەمجۆرە کراوە بۆئەوەی کەیادی ئەو ڕۆژە دەکەینەوە ڕۆژێک لە ڕۆژان بەر لە 30 ساڵ بەبیری خۆمان بهێنینەوە ئەگەر ئەو جۆرە دۆستانەمان نەبووایە ڕووبەڕووی چ مەرگەساتێکی گەورە دەبووینەوە، بۆیە ئەمە پەیامێکە کە هەمیشە ئەوجۆرە کەسایەتیانە بەزیندووی لەهزری تاکی کوردستانیدا دەمێنەوە و شەقام بەناوی ئەوانەوە دەکرێت، ئەمەش نیشاندەری وەفاداری خەڵکی کوردستان و هەولێری پایتەختە".




ئەم هەواڵە 259جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad