English | عربی | Kurdî دواهەواڵ
ڕاستەوخۆ  
 
مینحەی زیندانیانی سیاسی دەستپێدەکاتەوە
2021-04-05 [05:23 AM]

ZNA- ھەولێر


دوای ئەوەی لە چوارچێوەی یاسای چاکسازیدا مینحەی زیاتر لە پێنج هەزار زیندانی سیاسی بڕدرا، جێگری سەرۆكی لیژنەی زیندانیانی سیاسی و شەهیدان رایده‌گه‌ێنێت: ئەم مانگە، مینحە بۆ ئەو زیندانیە سیاسیانە خەرج دەكرێتەوە كە موچەیان نییە.

ژیان تاهیر، جێگری سەرۆكی لیژنەی زیندانیانی سیاسی و شەهیدان لە پەرلەمانی كوردستان رایده‌گه‌ێنێت: پێداچوونەوە بە مەلەفی ئەو پێنج هەزار زیندانییەی مینحەیان راگیرابوو كراوە و بڕیار دراوە ئەم مانگە مینحەی 900 زیندانیی سیاسی خەرج بكرێت، چونكە هیچ موچەیەكی دیكەیان نییە جگە لەو مینحەیە.

باسی لەوەشكردووە، پێداچوونەوە بۆ مەلەفی دوو هەزار و 600 زیندانی سیاسیی دیكە كراوە و كێشەی تێدا نییە، تەنیا موچەیان هەیە و پێشتریش مینحەیان دراوەتێ، دەشڵێت، "ئەوانەش سەرپشككراون لەوەی یان مینحە یان موچە هەڵبژێرن.

بە گوێرەی یاسا دوای10ساڵ مینحەی زیندانیانی سیاسی کۆتایی دێت، بەڵام ئەوانەی هیچ موچەیەکیان نییە نایانگرێتەوە و مینحەکانیان بەردەوام دەبێت.

لە ماوەی رابردووشدا بەشێکی زیندانیانی سیاسی چەند جارێک گردبوونەوەیان ئەنجامداوە بۆ ئەوەی هاوشێوەی بەغدا ئەو ماوەی 10 ساڵە زیادبکرێت بۆ 25 ساڵ، بەڵام تاوەکو ئێستا روون نییە ئایا ئەو ماوەیە گۆڕانکاری تێدا دەکرێت یاخود نا.





ئەم هەواڵە 274جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad