English | عربی | Kurdî دواهەواڵ
ڕاستەوخۆ  
 
وەزارەتی پەروەردە: ئێمە كۆتایی بەخوێندنی ئەمساڵ ناهێنین وەكو عێراق
2021-04-06 [08:58 AM]

ZNA – هەولێر


بریکاری وەزارەتی پەروەردە رایگەیاند، ئەوان هاوشێوەی عێراق لەدوای کۆتایی وەرزی یەکەم کۆتایی بە خوێندنی ئەمساڵ ناهێنن، بەڵکو وەرزی دووەمی خوێندن دەکەوێتە مانگی ئەیلولەوە.

 

سەیوان عەلی، بریکاری وەزارەتی پەروەردە بە KDP ی راگەیاند، "بڕیارەکانی وەزارەت لەبارەی ڕاگرتنی دەوامی قوتابخانەکان هەمان ئەو بڕیارەن كە لیژنەی بالای بەرەنگاربوونەوەی کۆرۆنا دەریكردووە  و ڕۆژی ١٠ی مانگ بڕیاری نوێ دەدرێت".

عەلی گوتیشی، چونکە نازانن رەوشی کۆرۆنا بەرەوکوێ دەچێت، هەموو هەوڵەکانیان بۆ سەرخستنی پڕۆسەی خوێندنە، بەڵام رێنماییەکانی خۆپارێزیش لە بەرچاو دەگرن.

دەشڵێت، وەرزی یەکەمی خوێندن لە کاتی خۆیدا تەواو دەکرێت و بۆ وەرزی دووەم پێشتر وەزارەت بڕیاری خۆی داوە و لە مانگی ئەیلوولی داهاتوو دەست بە خوێندنی دەکرێت.

لەبارەی ئەو دەنگویانەی کە هاوشێوەی عێراق لە کۆتایی وەرزی بەهار ساڵی خوێندن کۆتایی دێت، ئاماژەی بەوەدا، "بە هیچ شێوەیەک نامانەوێ عێراق بکەینە نموونە و ئەزموونی ئەوان دووبارە بکەینەوە، لەبەر ئەوە، هیچ بڕیارێکی وەها نەدراوە."

 





ئەم هەواڵە 691جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad