English | عربی | Kurdî دواهەواڵ
ڕاستەوخۆ  
 
سەرۆکی حکومەتی هەرێمی کوردستان پێشوازی لە باڵیۆزی کۆریای باشوور دەکات
2021-04-08 [02:04 AM]

ZNA - هه‌ولێر


 

ئەمڕۆ پێنجشەممە 2021/4/8 مەسرور بارزانی سەرۆکی حکومەتی هەرێمی کوردستان، پێشوازی لە جانگ کیۆنگووک باڵیۆزی كۆماری کۆریای باشوور لە عێراق کرد.

لە دیدارەکەدا کە کۆی چوانژین کۆنسوڵی گشتی کۆریای باشوور لە هەولێر ئامادەی بوو، پەرەپێدانی پەیوەندییەکانی نێوان هەرێمی کوردستان و کۆماری کۆریا تاووتوێ کرا.

باڵیۆزی کۆریای باشوور، ئامادەیی وڵاتەکەی نیشاندا بۆ بەهێزکردنی پەیوەندییەکان لەگەڵ هەرێمی کوردستان، بەتایبەتی لە بوارەکانی ئابووری و بازرگانی و کولتووری و پێشکەشکردنی هاوکاری بۆ ئاوارە و پەنابەران لە هەرێمی کوردستان.

سەرۆکی حکومەت سوپاسی هاوکارییەکانی کۆماری کۆریای باشووری کرد و ئاماژەی بە دۆستایەتی بەهێزی نێوان سیئۆل و هه‌ولێردا، کە لە ساڵانی رابردوودا چەندین پڕۆژەی پەرەپێدانی ئابوورییان لە هەرێمی کوردستان ئەنجام داوە و پشتگیریی خۆشی بۆ پتەوکردنی  پەیوەندیی هەمەلایەنە لە گەڵ کۆماری کۆریای باشوور دەربڕی.

كۆبوونه‌وه‌ی سه‌رۆك حكومه‌ت له‌گه‌ڵ باڵیۆزی كۆریای باشوور له‌ عێراق





ئەم هەواڵە 286جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad