English | عربی | Kurdî دواهەواڵ
ڕاستەوخۆ  
 
ب کوژمێ ھەشت ملیار و ٦٤٢ ملیۆن دیناران بەرێ بنیاتی بۆ ١٦ پرۆژێن خزمەتگۆزاری ل سنوورێ قەزایەکێ هاتە دانان
2021-04-16 [05:28 AM]

ZNA:هەولێر


سکرتێرێ رۆژنامەڤانیێ پارێزگەرێ دھۆکێ راگەهاند: کو ب مەرەما زێدەتر خزمەتکرنا خەلکی و گەھاندنا خزمەتگۆزاریێن زێدەتر بۆ قەزا ئامێدیێ رۆژا ١٣/٤/٢٠٢١ (پ.د.عەلی تەتەر) پارێزگەرێ دھۆکێ بەرێ بنیاتی بۆ ژمارەکا پرۆژێن خزمەتگۆزاری ب کوژمێ پتری ھەشت ملیار دیناران ل قەزا ناڤھاتی دانان.

مللەت عسمەت، سکرتێرێ رۆژنامەڤانیێ پارێزگەرێ دھۆکێ ب ئاژانسی هەواڵی زاگرۆس راگەهاند: پارێزگەرێ دھۆکێ ب کوژمێ ھەشت ملیار و ٦٤٢ ملیۆن دیناران بەرێ بنیاتی بۆ ١٦ پرۆژێن خزمەتگۆزاری ل سنوورێ قەزا ئامێدیێ دانان، ژ وان پرۆژان بەرێ بنیاتی بۆ پرۆژێ ستراتیژی یێ گەھاندنا ئاڤێ ژ ئێنیشکێ بۆ بامەرنێ ھاتە دانان، ھەروەسا بەرێ بنیاتی بۆ چێکرنا رێیێن ناڤخۆ ل سەنتەرێ ناحیا سەرسنکێ ب درێژاھیا دو ھزار و ٦٩٣ مەتران و بەرفرەھکرنا جادا سەرەکی یا دەرگەھێ ناحیا ناڤھاتی دانان، دووڤ دا بەرێ بنیاتی بۆ چێکرنا جادێن ناڤخۆ ل تاخێ ئازادی ل کۆمەلگەھا قەدشێ ھاتە دانان، ھەروەسا بەرێ بنیاتی بۆ سەبکرنا جاددێن ناڤخۆ ژی ل کومەلگەھا قەدشێ ب درێژاھیا (١,٠٨٥) کم و بەرفرەھکرنا جادا سەرەکی یا د ناڤ کومەلگەھا ناڤھاتی دا و چێکرنا رێیێن ناڤخۆ ل (ئێنیشکێ و ئامێدیێ و مرێبکا و بانیا و مێرستەکی) ھاتەدانان، ھەروەسا بەرێ بنیاتی بۆ نووژەنکرنا ئاڤاھیێ رەوشەنبیری و لاوان و گوھارتنا وی بۆ ئاڤاھیێ پاسپۆرتان ل قەزا ئامێدیێ ھاتە دانان.

ناڤھاتی ئاماژە دا وێ چەندێ کو ھەر د چارچۆڤێ سەرەدانا پارێزگەرێ دھۆکێ بۆ قەزا ئامێدیێ دا بەرێ بنیاتی بۆ چێکرنا تورا ئاڤێ یا تاخێن شەھیدان و دارستان و گوندێ بەلاڤە و تاخێ گولان ئێک ل دێرەلوکێ و پرۆژێ تورا ئاڤێ ل گوندێ بەرچێ و سەخبێرکرنا رێیێن تاخێ داستان و دانانا سولینا پایپ و قێرکرنا رێیێن ناڤخۆ ل تاخێن داستان و ئازادی و چێکرنا رێیا چلکێ ب درێژاھیا (٧٨٥)مەتران و فرەھیا (٢٠)مەتران ھاتە دانان، ھەروەسا بەرێ بنیاتی بۆ پرۆژێ چێکرنا خەزانەکا ئاڤێ ل تاخێ گولان و دگەل گەھاندنا ھێلا سەرەکی (٥٠٠) ملم بۆ خەزانێ و پرۆژێ قێرکرن و سەبکرنا جادا شێلادزێ ل تاخێ قەندیل و چێکرنا رێیا حەفت گوندێ دەڤەرا زێباریا ژ (لاتکا) ھەتا (ھلۆرا) و سەخبێیا رێیا دێوکی – ھلۆرا ب درێژاھیا (٨,٨)کم ھاتە دانان.

ل دووماھیێ سکرتێرێ رۆژنامەڤانیێ پارێزگەرێ دھۆکێ خویا کر کو بەرێ بنیاتی بۆ پرۆژێ چێکرن و قێرکرنا رێیێن ناڤخۆ ل شێلادزێ و پرۆژێ چێکرن و قێرکرنا رێیێن ناڤخۆ ل سیریێ و شێلادزێ ب درێژاھیا (٤,٠٤٩)کم و پرۆژێ چێکرنا سولینا سندوقی ل تاخێ ئازادی ب درێژاھیا (٣٠٠) مەتران و پرۆژێ چێکرن و قێرکرنا رێیێن ناڤخۆ دگەل سولینەکا ئاڤێ ل تاخێ ملی مەیدانێ ھاتە دانان.





ئەم هەواڵە 334جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad