English | عربی | Kurdî دواهەواڵ
ڕاستەوخۆ  
 
چەند رێگایەک بۆ کەمکردنەوەى تینوێتى لە کاتى رۆژوگرتندا
2021-04-19 [10:28 AM]

ZNA ــ هەولێر


زۆرن ئەو کەسانەى لە کاتى رۆژوگرتن تینوێتى بڕستیان لێدەبڕێت، بەڵام لێرەدا چەند هەنگاوێک دەخەینەروو کە وادەکات کەسى رۆژوەوان خۆى لەو کێشەیە دەرباز بکات و هەست بەتینوێتى نەکات.

 

دکتۆر کامه‌ران رسوڵ ژاژڵه‌یی

پسپۆڕی زانستی خۆراک باسی ئەو رێگا و هەنگاوانە دەکات چۆن  خۆت لەتینوێتى بپارێزی

یەک: خواردنه‌وه‌ی هه‌شت په‌رداخ یان زیاتر‌ ئاو له ‌نێوان به‌ربانگ و پارشێو؛ بەشێوەیەک هه‌موو نیو سه‌عات جارێک یه‌ک په‌رداخ ئاو بخۆره‌وه‌ ئاوه‌که‌ فێنک بێت باشتره‌ له‌ ئاوی زۆر سارد.

دوو: خواردنی سه‌وزه‌ و میوه‌ زۆر گرنگه‌ به‌ تایبه‌ت ئه‌و جۆرانه‌ی بڕێکی زۆر ئاویان تێدایه‌ وه‌ک ترۆزی، خه‌یار، شووتی، قه‌یسی، هه‌وڵ بده‌ سێ بۆ چوار جار له‌ نێوان به‌ربانگ و پارشێو بیان خۆیت.

سێ: دوور بکه‌ره‌وه‌ له‌ خواردنه‌وه‌ی بڕی زیاتر له‌ دوو کووپ له‌ چا و قاوه‌ و ئه‌و خواردنه‌وانه‌ی مادده‌ی که‌ڤاینیان تێدایه‌.

چوار: هه‌وڵ بده‌ خواردنی کوڵاو و برژاو بخوێت و له‌ خواردنی سورکراوه‌ دوور که‌ویته‌وه‌.

پێنج: زۆرتر سه‌وزه‌ و میوه‌ بخۆ به‌ تایبه‌ت ئه‌وانه‌ی ده‌وڵه‌مه‌ندن به‌ پۆتاسیۆم وه‌ک مۆز، سندی، قه‌یسی، هه‌ڵوژه‌ ڕێواس، شلیک.

شەش: خۆت به‌ دوور بگره‌ له‌  خواردنی خۆراکی سوێر و پڕ به‌هارات و ترشیات و سوێر کراو.

حەوت: هه‌وڵ بده‌ چه‌رەسی سوێر کراو نه‌خوێت: ئه‌گه‌ر خواردت پێویسته‌ به‌ کاڵی بێت و ‌ بڕه‌که‌ی له‌ ناو له‌پی ده‌ست زیاتر نه‌بێت.

هەشت: پێویسته‌ ژه‌می پارشێو بخورێت و چه‌ند بتوانرێت دوا بخرێت؛خواردنی زه‌ڵاته‌ له‌ کاتی به‌ربانگ و پارشێو زۆر به‌ سووده‌.

نۆ: دوور که‌وتنه‌وه‌ له‌ مانه‌وه‌ له‌ شوێنی گه‌رم بۆ ماوه‌یه‌کی زۆر و ئه‌نجام دانی وه‌رزشی قورس بۆ ماوه‌یه‌کی دوور و درێژ به‌یانیان له‌ ترسی وشک بوونه‌وه‌.

دە: که‌مکردنه‌وه‌ی خواردنی شیرینی ( نه‌خواردنی باشتره‌ )، رۆژووه‌که‌ت به‌ میوه‌یه‌ک بشکێنه‌، ئه‌گه‌ر شیرینیت خوارد؛ هه‌فته‌ی دوو جار و دوو سه‌عات دوای به‌ربانگ، له‌ بری ئه‌وه‌ مێوژ و قه‌یسی وشک کراو بخۆ.

یانزە: له‌ جیاتی شه‌ره‌به‌تی ئاماده‌کراو و گیراوه‌: شه‌ربه‌تی فرێش له‌ ماڵه‌وه‌ ئاماده‌ بکه‌ و بیخۆره‌وه‌.

 





ئەم هەواڵە 139جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad