English | عربی | Kurdî دواهەواڵ
ڕاستەوخۆ  
 
پارێزگارێ دهۆکێ دگەل رێڤەبەرێن گشتی کۆمبوو و چەندین رێنما و راسپاردە ئاراستەکرن
2021-04-19 [12:53 PM]

ZNA-هەولێر


ئەڤرۆ رۆژا دووشەمبی رێکەفتی ٢٠٢١/٤/١٩ بەرێز “د.عەلی تەتەر” پارێزگارێ دهۆکێ دگەل رێڤەبەرێن گشتی ل سنۆرێ پارێزگەها دهۆکێ کۆمبوو و دکۆمبوونێدا دانوستاندن و هەلسەنگاندن بو رەوشا ساخلەمیێ و رێنمایێن خۆپارێزیێ ژڤایرۆسێ کۆرونایی هاتەکرن، پارێزگارێ دهۆکێ دۆپاتی ل جێبەجێکرنا رێنمایان ل هەمی دامودەزگەهێن حکۆمەتێ کر. پاشان بەحس ل چەوانیا شۆرکرنا دەستهەلاتان بو فەرمانگەهێن حکۆمەتێ کر و راوێژ و پێشنیار دڤی بیاڤیدا هاتنە وەرگرتن و هەر دکۆمبوونێدا ل دۆر پتر رێکخستنا داهاتێ حکۆمەتێ و چەوانیا خەرجکرنێ و زێدەکرنا داهاتی هاتە بەحسکرن. ل دویڤدا پارێزگارێ دهۆکێ راگەهاند پێدڤیە هەمی هەولا بدەین بو نەهێلانا بەربەست و رێگریان دناڤبەرا حکۆمەت و هاولاتیاندا و بەرهەنگاربوونا هەمی جۆرە گەندەلی و زێدەگاڤیەکێ ل دویڤ یاسا و کارناما حکۆمەتا هەرێما کوردستانێ و ئەنجامدانا چاکسازیەکا هەمەلایەن کو گەلەک بنەمایێن خۆ هەنە ژ پێگیریا تمام و رێکوپێک ب دەوامێ، نەهێلا روتینێ بەرفرەهکرنا شەفافیەتێ و گۆهرانکاریێن بەردەوام ل دویڤ پێدڤیاتیێ، ل دوماهیا کۆمبوونێ پارێزگارێ دهۆکێ راگەهاند: هیڤیدارین پێگیریەکا تمام ب رێنما و راسپاردێن حکۆمەتا هەرێما کوردستانێ  و دهەمی دامو دەزگەهـ و فەرمانگەهـ و رێڤەبەریاندا بهێتەکرن.





ئەم هەواڵە 175جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad