English | عربی | Kurdî دواهەواڵ
ڕاستەوخۆ  
 
قائیمقامی سلێمانی: ھەر شوێنێک پابەندی رێنماییەکان نەبێت سزا دەدرێت
2021-04-19 [01:00 AM]

ZNA- هەولێر



قائیمقامی سلێمانی رایگەیاند: رۆژانە ژمارەی توشبوانی کۆرۆنا لە زیادبوندایەو خۆپارێزی و پابەند بوون بەڕێنماییەکان باشترین رێگەچارەیە بۆ رێگریکردن لە بڵاوبونەوەی زیاتری کۆرۆناو کەمکردنەوەی ژمارەی قوربانیان،
ئەمرۆ دووشەممە (19 نیسانی 2021) ئاوات محەمەد قائیمقامی سلێمانی لەگەڵ خاوەنی ھۆڵەکانی وەرزش و لەشجوانی کۆبویەوەو رایگەیاند : بەداخەوە جارێکی تر ڤایرۆسی کۆرۆنا رووی لەھەڵکشان کردووەتەوەو بەھۆیەوە ژمارەی توشبوان و قوربانیان بەرزبووەتەوە، ئەگەر رێگەکانی خۆپارێزی لە ئاستێکی بەرزدا لەبەرچاونەگیرێت ناوەندە تەندروستییەکان توانای چارەسەرکردنی ھەموو توشبوانی نابێت و ئەوکات ئەگەری کارەساتێکی مرۆیی بەدوور نازانرێت، قائیمقامی سلێمانی ووتیشی: بۆ ئەوەی نەگەینە ئەو قۆناغە مەترسیدارە پێویستە لەسەر ئاستی تاک و ھەموو ئەو شوێنانەی کە رێگەبەکارکردنیان دراوە پابەندی رێنماییە خۆپارێزییەکان بن،
ئاوات محەمەد قائیمقامی سلێمانی ئاماژەی بۆ ئەوەشکرد نامانەوێت ئاستەنگ لەبەردەم کارکردن و بژێوی ژیانی خەڵک دروست ببێت ، بۆ ئەوەی کارو کاسبی خەڵک بەردەوام بێت و جارێکی تر ژیان و کاری خەڵک پەکی نەکەوێت پێویستە ھەموان لە ئاستی بەرپرسیارێتیدا بین و خۆپارێزی لە ئاستی باڵادا لەبەرچاوبگرین ، قائیمقامی سلێمانی راشیگەیاند: خوازیارین ناچار نەبین شوێنەکان بەھۆی پابەند نەبونیان دابخەین ، بەڵام ئەگەر کارکردنی ھەر شوێنێک ببێتە ھۆی بڵاوبوونەوەی کۆرۆنا ناچارین سزای ئەو شوێنانە بدەین کە پابەند نابن، داواشی لە ھۆڵەکانی وەرزش و لەشجوانی کرد بەتەواوی پابەندی رێنماییەکانی خۆپارێزی بن و نەبنە ھۆکاری بڵاوبوونەوەی کۆرۆنا بۆ ئەوەی بەپێی رێکارە تەندروستیەکان بەردەوامبن لە کارکردن.





ئەم هەواڵە 166جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad