English | عربی | Kurdî دواهەواڵ
ڕاستەوخۆ  
 
ناتانیاھۆ: پاڵپشتی نێوده‌وڵه‌تیمان هه‌یه‌ و سوودی لێ وه‌رده‌گرین
2021-05-16 [05:47 AM]

ZNA- ھەولێر


بنیامین ناتانیاهۆ، سه‌رۆك وه‌زیرانی ئیسرائیل دووپاتیكرده‌وه‌، له‌ ئێستادا ئیسرائیل به‌نیازی راگرتنی كرده‌ سه‌ربازییه‌كه‌ی نییه‌ له‌ كه‌رتی غه‌ززه‌ و ئه‌و هه‌ڵمه‌ته‌ سه‌ربازییه‌ به‌ هه‌موو توانایه‌ك و به‌ پشتیوانی وڵاتانی دیكه‌ به‌رده‌وامه‌، له‌پێشه‌وه‌ی هه‌مووشیانه‌وه‌ ئه‌مه‌ریكا.

ئه‌م گوتانه‌ی ناتانیاهۆ له‌میانه‌ی كۆبوونه‌وه‌ی ئه‌نجومه‌نی وه‌زاری بچووككراوه‌ بۆ كاروباری سیاسی و ئه‌منی له‌گه‌ڵ فه‌رمانده‌كانی سوپای وڵاته‌كه‌ی هاتوون و گوتی: ئامانجی ئه‌و كرده‌ سه‌ربازییه‌ كه‌ به‌ ناوی "پاسه‌وانی شووره‌كان" ده‌ستی پێكردووه‌، بۆ گه‌ڕاندنه‌وه‌ی ئارامی و ئاساییش و ناچاركردنی دوژمنانه‌، بۆ ئه‌وه‌ی باجی هه‌ڵه‌كانیان بده‌ن و بۆ گه‌ڕاندنه‌وه‌ی به‌رگرییه‌، ئاماژه‌ی به‌وه‌شدا، ئیسرائیل پێویستی به‌ كای زیاتره‌‌ بۆ پێكاندنی ئامانجه‌كه‌ی.

سه‌رۆك وه‌زیرانی ئیسرائیل گوتیشی: له‌ بۆردومانه‌كانیاندا تا ئێستا زیاتر له‌ هه‌زار ئامانجیان پێكاوه‌، له‌وانه‌ش ژێرخانی ژێر زه‌ویی بزووتنه‌وه‌ی حه‌ماس له‌ كه‌رتی غه‌ززه‌ و گوتی: "گورزێكی به‌هێز له‌ بزووتنه‌وه‌كه‌ وه‌شێنراوه‌ به‌ڵام بكوژ نه‌بووه‌".

ناتانیاهۆ باسی ئه‌وه‌شی كرد، ئیسرائیل ژماره‌یه‌ك بینایه‌ی نیشته‌جێبوونیشی له‌ناوبردووه‌، به‌ڵام وه‌ك ئاماژه‌ی پێدا، ئه‌و بینایانه‌ تایبه‌ت بوون به‌ "تیرۆرستان" و گوتی: ته‌لڤه‌یڤ چه‌ندین به‌ڵگه‌نامه‌ی داوه‌ته‌ هه‌واڵگری ئه‌مه‌ریكا، كه‌ بوونی چالاكی تیرۆرستی له‌ ته‌لاری جه‌لاء پشتڕاست ده‌كه‌نه‌وه‌، كه‌ ده‌گوترێت نووسینگه‌ی گه‌وره‌ی راگه‌یاندنه‌كان له‌و بینایه‌دا هه‌بوون، له‌وانه‌ش نووسینگه‌ی كه‌ناڵی جه‌زیره‌ و ئاژانسی ئه‌سۆشێیتد پرێس.

جه‌ختیشی كرده‌وه‌، "هیچ تیرۆرستێك مافی پارێزبه‌ندیی نییه‌ و سوپای ئیسرائیل هه‌رچی له‌توانایدا بێت ده‌یكات، بۆ ئه‌وه‌ی رێژه‌ی قوربانی له‌ ریزه‌كانی سڤیل له‌ كه‌رتی غه‌ززه‌ كه‌م بكاته‌وه‌" و ئاشكرایكرد، "كوژرانی كه‌سانی سڤیل به‌هۆی كرده‌وه‌ تیرۆرستییه‌كانه‌ له‌ غه‌ززه‌، چونكه‌ بزووتنه‌وه‌ی حه‌ماس له‌ ناوچه‌كانی نیشته‌جێبوون و گه‌ڕه‌كه‌كانی سڤیلنشینه‌وه‌ هێرشی سه‌ر ئیسرائیل ده‌كات".

سه‌رۆك وه‌زیرانی ئیسرائیل ئاماژه‌ی به‌وه‌شدا، "كرده‌ سه‌ربازییه‌كه‌مان له‌ غه‌ززه‌ پێویستی به‌ كاتی زیاتره‌ و هه‌رچه‌ند فشارێكی زۆریش له‌ئارادایه‌، به‌ڵام له‌ هه‌مان كاتدا لایه‌نی پاڵپشتیكاریشمان هه‌ن، به‌ پله‌ی یه‌كه‌میش ویلایه‌ته‌ یه‌كگرتووه‌كانی ئه‌مه‌ریكا.. ئێمه‌ پشتیوانییه‌كی نێوده‌وڵه‌تیمان هه‌یه‌ و سوودی لێ وه‌رده‌گرین".

هه‌روه‌ها دووپاتیكرده‌وه‌، "بۆ گه‌ڕاندنه‌وه‌ی ئارامی پێویستیمان به‌ كاتی زیاتره‌ و به‌رامبه‌ر به‌ نه‌یارانی ئاشتی هه‌موو هه‌نگاوێك ده‌نێین و له‌ده‌ستپێكیش ده‌مانه‌وێت شه‌ڕ بوه‌ستێنین، دواتر په‌یوه‌ندی نێوان یه‌هودی و عه‌ره‌ب به‌هێز بكه‌ینه‌وه‌".





ئەم هەواڵە 337جار خوێندراوەتەوە
 
 
ڤیدیۆ گەلەری
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
باران بارین و لافاوی شاری دوبەی
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad