English | عربی | Kurdî دواهەواڵ
ڕاستەوخۆ  
 
ڕێكخراوی خۆراكی (FAO): پێشبینی دەكرێت لە ئەنجامی شەڕی نێوان رووسیا و ئۆكراینا نرخی خۆراك لە جیهاندا 20% بەرز ببێتەوە
2022-03-13 [08:25 AM]

ZNA - هەولێر


رِێكخراوی خۆراك و كشتوكاڵی نەتەوە یەكگرتووەكان (FAO) ڕایگەیاندووە، تاوەكوو ئێستا ڕوون نەبووەتەوە كە ئەگەر جەنگی ڕووسیا و ئۆکراینا بەردەوام بێت، ئاخۆ ئۆکراینا دەتوانێت بەروبوومە کشتوکاڵییەکەی دروێنە بكات، یان نا، بۆیە پێشبینی دەكرێت لە ئەنجامی ئەو شەڕەدا نرخی خۆراك لە جیهاندا 20% بەرز ببێتەوە.

لەم بارەیەوە، ڕۆژی هەینی 11/3/2022 ڕێكخراوی فاو بەیاننامەیەكی بڵاو كردووەتەوە و ئاماژەی بۆ ئەوە كردووە كە "ڕووسیا و ئۆکراینا توانای دابینكردنی  19%جۆ، 14% گەنم و 4%  گەنمەشامیی جیهانیان هەیە، واتا دەتوانن سێیەكی دەغڵودانی جیهان دابین بكەن.

ژۆی دۆنیۆ، بەڕێوبەری گشتیی فاو دەڵێت: "بەهۆی ئەوەی ئەو دوو وڵاتە زۆرترین دانەوێڵەی جیهان دابین دەكەن، لە داهاتوودا نائارامییەك لە خۆراكی جیهانیدا پەیدا دەبێت و كێشەی سەرەکییش ئەوەیە کە بەئاسانی شوێنی ئەو وڵاتە پڕ ناکرێتەوە''.

لە ڕاگەیەنراوەكەی فاودا ئەوەش هاتووە كە 50 وڵاتی تازە پێشگەیشتووی جیهان بۆ دابینکردنی نزیكەی 30% بەرهەمەكانیان پشت بە ڕووسیا و ئۆکراینا دەبەستن، بۆیە پێشبینی دەكرێت 13 ملیۆن كەس دووچاری كێشەی كەمیی خۆراك ببن.





ئەم هەواڵە 526جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad