English | عربی | Kurdî دواهەواڵ
ڕاستەوخۆ  
 
WFP: داخرانی بەندەرەكانی ئۆكراینا رەنگە برسێتی و كۆچی بەكۆمەڵ ڕووبدات
2022-05-19 [03:39 AM]

ZNA:هەولێر


بەرنامەی خۆراكی جیهانی سەربە نەتەوە یەكگرتووەكان (WFP) رایگەیاند كە داخرانی بەندەرەكانی ئۆكراینا بەڕووی هەناردەكردنی دانەوێڵە بۆ وڵاتانی جیهان "جەنگێكە لە دژی ئاسایشی خۆراكی جیهانی" و هۆشداری دا لەوەی رەنگە "برسێتی و كۆچی بەكۆمەڵ" ڕووبدات.

دەیڤید بیزلی، بەڕێوەبەری بەرنامەی خۆراكی جیهانی، لە میانی كۆبوونەوەیەكدا كە لەسەر ئاستی وەزیران لە بارەگای نەتەوە یەكگرتووەكان بەڕێوەچوو، گوتی: "سەرۆك پوتین، بانگەوازتان لێدەكەم، ئەگەر دڵتان هەیە تكایە ئەم بەندەرانە بكەنەوە."

بیزلی ئەوەیشی خستەڕوو كە بێتوانایی لە هەناردەكردنی ئەو دانەوێڵانەی لە بەندەرەكانی ئۆكرانیا هەڵگیراون "جەنگێكە لە دژی ئاسایشی خۆراكی جیهانی" و هۆشداری دا لەوەی ئەگەر بەندەرەكان نەكرێنەوە، رەنگە "برسێتی و كۆچی بەكۆمەڵ" رووبدات.

ئەنتۆنیۆ گوتیرێس، سكرتێری گشتی نەتەوە یەكگرتووەكان، رایگەیاند، ئاستی برسێتی جیهانی بەرەو ژمارەیەكی پێوانەیی نوێ دەڕوات و ئەو كەسانەی رووبەڕووی نائاسایشی توندی خۆراك بوونەتەوە لە دوو ساڵی رابردوودا لە 135 ملیۆنەوە بۆ 276 ملیۆن كەس زیادیكردووە.

ئەنتۆنیۆ گوتیرێس ئاماژەی بەوە دا كە زیاتر لە 500 هەزار كەس لە بارودۆخی برسێتیدا دەژین و ئاشكراشی كرد كە ئەم ژمارەیە لە ساڵی 2016ەوە بەڕێژەی لەسەدا 500 زیادی كردووە.

سكرتێری گشتی نەتەوە یەكگرتووەكان، هەروەها ئەوەشی خستەڕوو كە ئۆكراینا و رووسیا نزیكەی یەك لەسەر سێی پێداویستییەكانی جیهان لە گەنم و جۆ و نیوەی پێداویستییەكانی زەیتی گوڵەبەڕۆژە دابین دەكەن و گوتی: "لە پەیوەندییەكی چڕدان لەگەڵ رووسیا، ئۆكراینا، توركیا، ئەمریكا و یەكێتیی ئەورووپا بە مەبەستی دەستپێكردنەوەی هەناردەكردنی دانەوێڵە لە بەندەرەكانی ئۆكراینا".





ئەم هەواڵە 604جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad