English | عربی | Kurdî دواهەواڵ
ڕاستەوخۆ  
 
سەرۆکی ئەمەریکا داوا لە خاوەن وێستگەکانی سووتەمەنی دەکات، نرخی بەنزین هەرزان بکەن
2022-07-03 [08:31 AM]

ZNA:هەولێر


جۆو بایدن، سەرۆکی ئەمەریکا بە نامەیەك داوا لە خاوەن وێستگەکانی سووتەمەنی دەکات، نرخی بەنزین هەرزان بکەن کە ئێستا نرخەکەی بۆ ئاستێکی پێوانەیی بەرزبووەتەوە.  

بایدن لە نوێترین توویتی داوا لە خاوەن وێستگەکان دەکات، نرخی سووتەمەنی دابەزێنن، چونکە ئێستا لەکاتی جەنگدان و مەترسی جیهانیدان.

بایدن لە توویتەکەی نووسیویەتی، هەر ئێستا نرخی بەنزین لە ترۆمپای وێستگەکان دابەزێنن، نرخەکە رەنگدانەوەی لەسەر ئەو بەرهەمە دەبێت کە دەیکڕن.

ئەو توویتەی بایدن لە کاتێکدایە، نرخی گاڵۆنێک بەنزین لەم چەند هەفتەیەی دواییدا بۆ 4.82 دۆلار بەرزبووەتەوە، نرخی لیترێک بەنزین لە ویلایەتی کالیفۆرنیاش گەیشتووەتە 6.25 دۆلار، بەراورد بە ساڵی رابردوو نرخی هەر گاڵۆنێک 3 دۆلار بەرزبووەتەوە.  

سەرۆکی ئەمەریکا دەڵێت، هەوڵەکانیان چڕ کردووەتەوە بۆ ئەوەی کۆنترۆڵی رێژەی هەڵاوسان بکەن کە لە بەرزترین ئاستەکانی 40 ساڵی رابردوویدایە.





ئەم هەواڵە 508جار خوێندراوەتەوە
 
 
ڤیدیۆ گەلەری
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
بەھرەیەکی سەرنج راکێشە
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad