English | عربی | Kurdî دواهەواڵ
ڕاستەوخۆ  
 
كۆشكی سپی له‌سه‌ر بۆردومانه‌كانی ئێران بۆ سه‌ر هه‌رێمی كوردستان هاته‌ ده‌نگ
2022-09-28 [07:44 AM]

ZNA_ هەولێر


 

كۆشكی سپی ئه‌مه‌ریكا به‌ توندی ئیدانه‌ی بۆردومانه‌كانی ئێران بۆ سه‌ر ناوچه‌كانی هه‌رێمی كوردستان ده‌كات و به‌ په‌لاماردانی سه‌روه‌ری عێراق و گه‌له‌كه‌ی وه‌سفی ده‌كات.

ئه‌مڕۆ چوارشه‌ممه‌ (28ی ئه‌یلوول/سێپتێمبه‌ری 2022)، له‌ به‌یاننامه‌یه‌كدا، جاك سولیڤان، راوێژكاری ئاسایشی نیشتمانی ئه‌مه‌ریكا به‌ توندی ئیدانه‌ی هێرشه‌كانی ئێرانی بۆ سه‌ر ناوچه‌كانی هه‌رێمی كوردستان كرد و پشتیوانی واشنتنیشی بۆ هه‌رێمی كوردستان دووپاتكرده‌وه‌.

راوێژكاری ئاسایشی نیشتمانی ئه‌مه‌ریكا، ئاماژه‌ی به‌وه‌كردووه‌، تاران ناتوانێت سه‌رنج له‌سه‌ر كێشه‌ ناوخۆییه‌كان و ناڕه‌زایه‌تییه‌كانی وڵاته‌كه‌ی به‌ هێرشكردن له‌ ده‌ره‌وه‌ی سنووره‌كانی، لابدات.

له‌ به‌یاننامه‌كه‌دا هاتووه‌، كۆشكی سپی به‌رده‌وام ده‌بێت له‌سه‌ر سه‌پاندنی سزاكان له‌سه‌ر تاران، بۆ راگرتنی جموجۆڵه‌كانی ئه‌و وڵاته‌ له‌ تێكدانی ئاسایش و سه‌قامگیری ناوچه‌كه‌.

سولیڤان جه‌ختی له‌سه‌ر ئه‌وه‌شكردووته‌وه‌، رێزگرتن له‌ سه‌روه‌ری و په‌كپارچه‌یی وڵاتانی دراوسێ له‌ بنه‌ما جێگیركراوه‌كانی په‌یماننامه‌ی نه‌ته‌وه‌یه‌كگرتووه‌كانه‌.

ئەمڕۆ چوارشەممە (28ی ئه‌یلوول/سێپتێمبه‌ری 2022)، بارەگا و کەمپی نیشتەجێبوونی خەڵکی سڤیلی حزبی دیموکراتی کوردستان لە کۆیە،  کۆمەڵەی زەحمەتکێشانی کوردستانی ئێران لە سلێمانی و پارتی ئازادی کوردستان (پاک) لە پردێ، بوونە ئامانجی هێرشی درۆن و تۆپخانەكانی ئێران.

به‌گوێره‌ی دواهه‌مین ئاماری وه‌زاره‌تی تەندروستی حکومەتی هەرێمی کوردستان، له‌ ئه‌نجامی تۆپبارانه‌كانی ئه‌مرۆدا، نۆ کەس گیانیان لەدەستداوە و 32 كه‌سی دیکەش برینداربوونە.





ئەم هەواڵە 220جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad