English | عربی | Kurdî دواهەواڵ
ڕاستەوخۆ  
 
نوێکارییە نوێیەکانی کامێرای گالاکسی S22 بۆ گرتنی وێنەی ئەستێرەکان بە ئاستی پرۆفیشناڵ
2022-11-29 [07:33 AM]

هه‌ولێر (zna)


سەرەتای ئەمساڵ زنجیرەی گالاکسی S22 بەهێزترین کامێرای مۆبایلە زیرەکەکانی سامسۆنگی تا ئێستا ناساند. و ئەم کامێرایە ئێستا زۆر باشترە. وە بە وەشانی نوێکراوی تەکنەلۆژیای Expert RAW و بەرنامەیەکی تەواو نوێ بە ناوی Camera Assistant، دەتوانیت ئاستی تواناکانی وێنەگرتنت بەرز بکەیتەوە بۆ ئەوەی هەموو جارێک وێنەی پیشەیی بگرێت.

هیچ سنوورێک بۆ داهێنانەکانت نییە لەگەڵ Astrophoto لە تەکنەلۆژیای Expert RAW
تەکنەلۆژیای نوێ و باشترکراوی Expert RAW تواناکانی وێنەگرتنی شەوانەی کامێرای S22 بەرز دەکاتەوە بەهۆی بوونی تایبەتمەندییەکی نوێی بەهێزی Astrophoto کە ڕێگە بە سەیرکەران و ئارەزوومەندانی ئەستێرەکان و سروشت دەدات وێنەی ڕوون و جوانی بۆشایی ئاسمان و دیمەنە ئاسمانییە تاریکەکان بگرن.
بۆ گرتنی وێنەیەکی فەلەکی سەرسوڕهێنەر، سەرەتا دەبێت شوێنی گونجاو و بارودۆخی گونجاو و کات و ڕووناکی گونجاو هەڵبژێریت. وە کاتێک تەکنەلۆژیای Astrophoto لەسەر مۆبایلی S22 بەکاردەهێنیت، کامێراکە بە شێوەیەکی خۆکاری یارمەتیت دەدات بۆ باشترکردنی ئەم لایەنانە. پاشان دەبێت ڕێبەری تایبەت بە بۆشایی ئاسمان دابگیرسێنیت بۆ دیاریکردنی شوێن و جوڵەی ئەستێرە و کۆمەڵەی خۆر. کامێراکە پشت بە تەکنەلۆژیای دابەشکردنی دیمەنەکان دەبەستێت بە بەکارهێنانی تەکنەلۆژیای پێشکەوتووی زیرەکی دەستکرد، هەروەها بە شێوەیەکی خۆکاری ڕێکخستنەکان هەڵدەبژێرێت، لەوانە خێرایی وێنەگرتن و ئاستی هەستیاری ڕووناکی بۆ گرتنی باشترین وێنە. هەروەها دەتوانیت لە چارەسەرکەری فرە چوارچێوە بەکاربهێنیت بۆ گرتنی وێنە لە ماوەیەکی دیاریکراودا، و وێنەی جوانی ئەستێرەکان بەدەستبهێنیت، وەک ئەوەی بە ئامێری پیشەیی پلە یەک گیرابێت.
بۆ ئەوانەی دەیانەوێت بەدواداچوون بۆ توانای هونەری خۆیان بکەن، دەتوانن تایبەتمەندی فرە بەرکەوتنی ڕووناکی بەکاربهێنن بۆ گرتنی کۆمەڵێک وێنە، و پاشان دۆخەکانی ڕێکخستن بەکاربهێنن بۆ کۆکردنەوەیان بۆ یەک وێنەی سەرنجڕاکێش. ئەمەش بە ئازادکردنی داهێنانەکانت بۆ تاقیکردنەوەی دانانی چەند وێنەیەک لەسەر یەکتر بۆ ئەوەی بگەیتە وێنەیەکی سەرسوڕهێنەر.

و دەتوانیت دەستت بگات بە تایبەتمەندی Astrophoto و فرە بەرکەوتنی ڕووناکی لە ڕێگەی "هەڵبژاردەکانی وێنەی تایبەت" لە لیستی ڕێکخستنەکانی Expert RAW 

بەرنامەی Camera Assistant ڕێگەت پێدەدات وێنە بگرێت بەپێی داواکاری و خواستی خۆت 
بەو پێیەی هەموو فۆتۆگرافەرێکی دڵسۆز شێوازی فۆتۆگرافی تایبەتی خۆی هەیە، بۆیە زۆر گرنگە خاوەنی کامێرایەک بێت کە کۆنترۆڵی داهێنەرانەیان پێبدات. وە لەگەڵ بەرنامەی نوێی "یاریدەدەری کامێرا" Camera Assistant، دەتوانیت هەڵیبژێریت و تایبەتمەندییە خۆکارەکان دیاری بکەیت کە دەتەوێت بەکاریبهێنیت بۆ ئەزموونێکی فۆتۆگرافی بە تەواوی بەپێی ئارەزووەکانت.
دەتوانیت بەرنامەکە لە فرۆشگای گالاکسی یان لە ڕێگەی Good Lock دابەزێنیت. کاتێک بەرنامەکە دامەزرا، دەتوانیت تایبەتمەندییەکە دابگیرسێنیت بە کرتەکردن لەسەر هێمای بەرنامەکە یان بە چوونە سەر بەرنامەی Good Lock، یان چوونە ناو لیستی یاریدەدەری کامێرا لە ناو ڕێکخستنەکانیدا لە بەرنامەکە خۆی.
وە بەرنامەی "یاریدەدەری کامێرا" بژاردەی داگیرساندن یان کوژاندنەوەی هەندێک تایبەتمەندیت پێدەدات، لەوانە گۆڕینی هاوێنەی خۆکاری و مەودای داینامیکی بەرزی خۆکاری (HDR) و داخەری خێراتر. وە هەمان بەرنامە کۆنترۆڵی زیاترت پێدەبەخشێت بەسەر وێنەکانتدا، لە کۆنترۆڵکردنی ووردتر لە ئاستی تیژی، بۆ ڕێگە دانت بە دیاریکردنی ژمارەی وێنەی ویستراو دوای کوژاندنەوەی کاتەکە.
وە بەرنامەی "یاریدەدەری کامێرا" ڕێگەت پێدەدات چێژ لەم تایبەتمەندییە سەرەکیانەی خوارەوە وەربگریت:

•    مەودای دینامیکی بەرزی خۆکار Auto HDR: دەتوانیت ئەم تایبەتمەندییە بکوژێنیتەوە لەکاتی گرتنی وێنەی کەسیی لە دۆخی بوونی ڕووناکی پشتەوە.

•    نەرمکردنی وێنە: دەتوانیت تایبەتمەندییەکە دابگیرسێنیت بۆ نەرمکردنی لێوارە تیژەکان و پێکهاتەی وێنەکانت.
•    گۆڕینی خۆکاری هاوێنە: ئێستا دەتوانیت تایبەتمەندی "گۆڕینی خۆکاری هاوێنە" بکوژێنیتەوە کە بە شێوەیەکی خۆکاری هاوێنەی کامێرا دەگۆڕێت لەگەڵ نزیکبوونەوەت لە ئامانجەکەت یان لە ژینگەیەکی تاریکدا. ئەگەر دەتەوێت بەردەوام بیت لە بەکارهێنانی هاوێنەی نزیک لەبری هاوێنەی فراوان بۆ گرتنی وێنەیەکی نزیکتر لە دیمەنەکە، دەتوانیت بە سادەیی لە لیستەکەدا بیکوژێنیتەوە.
•    تۆمارکردنی ڤیدیۆ لە دۆخی وێنە: ئێستا دەتوانیت ئەم تایبەتمەندییە بکوژێنیتەوە کە ڕێگەت پێدەدات ڤیدیۆیەک بگرێت بە پەنجەداگرنت لەسەر دوگمەی وێنە بۆ ماوەیەکی درێژتر، ئەمەش ڕێگری دەکات لە تۆمارکردنی ڤیدیۆ بە هەڵە.
•    دوای تەواوبوونی کاتی دیاریکراو ژمارەیەک وێنە بگرە: دەتوانیت بە شێوەیەکی خۆکاری ژمارەیەک وێنە لەسەر یەک بگریت دوای تەواوبوونی کاتی دیاریکراو، هەروەها دەتوانیت ژمارەی وێنەکان دیاریبکەیت، وەک (1 وێنە یان 3 یان 5 یان 7 وێنە).
•    داخەری خێراتر: ئەم دۆخە ڕێگەت پێدەدات لە چرکەیەکدا تا 7 وێنە بگرێت، هەروەها دەتوانیت سوود لەمە وەربگریت لەکاتی گرتنی وێنەی شتە جوڵاوەکان.
•    تەواوبوونی کاتدانەری کامێرا Camera Timeout: دەتوانیت کاتی کارکردنی بەرنامەی "کامێرا" دیاری بکەیت بە بەردەوامی وەک (1یان 2 یان 5 یان یان 10 خولەک.).
•    دیاریکردنی ڕوونیی لەسەر شاشەکانی HDMI: دەتوانیت ڕێکخستنەکانی کامێراکە بەبێ هیچ لیست و دوگمەیەک لەسەر شاشەکانی HDMI ی بەستراو پیشان بدەیت.





ئەم هەواڵە 538جار خوێندراوەتەوە
 
 
ڤیدیۆ گەلەری
گڕكانی مایۆن له‌ فلپین
ئه‌سپێك ره‌دووی ئه‌مبولانسێك ده‌كه‌وێت كه‌ برایه‌كه‌ی له‌ناودایه‌
لە شەقامێکی قەرەباڵغ منداڵێک لە سندوقی ئۆتۆمبێل دەکەوێتە خوارەوە
لێدانی سەدە ، تا ئێستا لێدانی وانەبووە
شه‌قامێك رۆده‌چێت و دوو ژن ده‌خوات
 
 

پێناسە | گەلەری | ئەرشیف | پەیوەندی

پێبژاردنی پۆلیسی هاتووچۆ هەولێر | دهۆک | سلێمانی

هەموو مافەکان پارێزراون بۆ ئاژانسی هەواڵی زاگرۆس

Developed By: Omed Sherzad