|
 |
|
|||
ZNA-ھەولێر بەڕێوەبەرایەتی پۆلیسی پارێزگای سلێمانی رایگەیاند، کە مەفرەزەكانی بنكەی پۆلیسی سیتەك بەهاوكاری یاریدەدەرێتی ئاسایشی سیتەك حەوت تۆمەتباریان دەستگیركرد كە لەچەند شوێنێكی سنوری ناحیەی سیتەك دزییان كردبوو.بەشی ڕاگەیاندنی بەڕێوەبەرایەتی پۆلیسی پارێزگای سلێمانی، بە ئاژانسی ھەواڵی زاگرۆسی راگەیاند: دوای تۆماركردنی چەند سكاڵایەك لەلایەن هاوڵاتیانەوە كە دزییان لێكرابوو، هێزەكانی پۆلیس لێكۆڵینەوەو بەدواداچوونەكانیان بۆ دۆزینەوەو دەستگیركردنی تۆمەتباران دەستپێكردوو دوای وەرگرتنی بڕیاری دادوەر، توانرا لەلایەن بنكەی پۆلیسی سیتەكەوە بەهاوكاری یاریدەدەرێتی ئاسایشی سیتەك حەوت تۆمەتبار بدۆزرێنەوەو دەستگیربكرێن.بەڕێوەبەرایەتی پۆلیسی پارێزگای سلێمانی گووتی: لەكاتی دەستگیركردنی تۆمەتبارەكاندا دەستگیراوە بەسەر چەندین كەلوپەلی جۆراوجۆری دزراودا،لەگەڵ دوو ئۆتۆمبێل كە بە تۆمەتباران بووە بۆیە داوا لەو كەسانە دەكەین كە لەسنوری ناحیەی سیتەك دزییان لێكراوە سەردانی بنكەی پۆلیسی سیتەك بكەن بەمەبەستی تۆماركردنی سكاڵاو ناسینەوەی كەلوپەلەكانیان.ھەروەھا بەشی ڕاگەیاندنی بەڕێوەبەرایەتی پۆلیسی پارێزگای سلێمانی، بە ئاژانسی ھەواڵی زاگرۆس خستەروو، کە لەئێستادا هەریەك لەتۆمەتباران، بە ناوەکانی ،أ، ك، س لەدایكبووی 1982، ش، ب، ب لەدایكبووی 1982، ب، ع، م لەدایكبووی 1986 ، ر، ج، ع لەدایكبووی 2004، ھەروەھا ر، ج، ع لەدایكبووی 1998، أ،ك،س لەدایكبووی 2004، أ،ك،س لەدایكبووی 1995، بەبڕیاری دادوەرو بەپێی ماددەی 443 لەیاسای سزادانی عیراقی ڕاگیراون‌و لێكۆڵینەوە لەگەڵیاندا بەردەوامە.
|
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad