|
 |
|
|||
ZNA-ھەولێر وتەبێژی دەروازەی نێودەوڵەتیی حاجی ئۆمەران رایگەیاند، کە لەلایەن بەرپرسانی سنووری تەمەرچین ئاگادارکراینەوە، بەهۆی زۆری و بەردەوامی بەفربارین، دەروازەکە بە رووی بازرگانی و گەشتیاری داخرا.سیروان حوسێن، وتەبێژی دەروازەی نێودەوڵەتیی حاجی ئۆمەران، بە ئاژانسی ھەواڵی زاگرۆسی ڕاگەیاند: کەمێک بەر لە ئێستا، لەلایەن بەرپرسانی سنووری تەمەرچین ئاگادارکراینەوە، بەهۆی زۆری و بەردەوامی بەفربارین، دەروازەکە بە رووی بازرگانی و گەشتیاری داخرا.وتەبێژی دەروازەی نێودەوڵەتیی حاجی ئۆمەران گووتی: هەرچەندە لەدیوی هەرێمی کوردستان تیمەکانی سەر بە بەڕێوەبەرایەتی چاککردنەوە و پاراستنی رێگاوبانی سۆران، بەردەوامن لە راماڵینی بەفر و دۆخی هاتووچوون تاڕادەیەک ئاساییە، بەڵام گرفتەکە لە دیوی ئێران و رۆژهەڵاتی کوردستانە و تا رێگه‌ی دیوی ئێران لە بەفر رانەماڵدرێت، جموجۆڵی بازرگانی و گەشتیاری دەستپێناکاتەوە.ھەروەھا سیروان حوسێن، وتەبێژی دەروازەی نێودەوڵەتیی حاجی ئۆمەران ئەوەشی بۆ ئاژانسی ھەواڵی زاگرۆس خستەروو، کە گەشتیاران و بازرگانانی هەرێمی کوردستان ئاگاداردەکەینەوە، سەردانی دەروازەی نێودەوڵەتی حاجی ئۆمەران نەکەن، تا دۆخی هاتووچۆ ئاسایی دەبێتەوە.رێباز یونسئەم هەواڵە 595جار خوێندراوەتەوە |
پێناسە | گەلەری | ئەرشیف | پەیوەندی
پێبژاردنی پۆلیسی هاتووچۆ هەولێر | دهۆک | سلێمانی
هەموو مافەکان پارێزراون بۆ ئاژانسی هەواڵی زاگرۆس
Developed By: Omed Sherzad