English | Kurdî | کوردی  
 
كرملين: بارودۆخی عێراق و ئه‌فغانستان ته‌واو جیاوازه‌
الإعلان
 
تصویت
معرض الصور
2021-07-27 [12:57 PM]

ZNA - هه‌ولێر


 

ئه‌مڕۆ سێشه‌ممه‌ وته‌بێژی سه‌رۆكایه‌تی روسیا دیمتری بیكۆڤ، رایگه‌یاند، كرملین وای ده‌بینێت كه‌ بارودۆخی عێراق و ئه‌فغانستان زۆر له‌یه‌كتر جیاوازه‌، وتیشی، ئه‌گه‌ری ئه‌وه‌ نییه‌ به‌راودر له‌ نێوانیان بكرێت.

بیسكۆڤ به‌ رۆژنامه‌نوسانی راگه‌یاند، پێشتر نوێنه‌رانی ئه‌مه‌ریكا لێدوان هه‌بوو كه‌وا پێویست ده‌كات به‌شێوه‌یه‌كی خێرا یان له‌سه‌رخۆ عێراق به‌جێبهێڵرێت.

بیسكۆڤ ئاماژه‌ی به‌وه‌ش كرد، بارودۆخی عێراق له‌گه‌ڵ ئه‌فغانستان به‌ته‌واوی جیاوازه‌.

له‌ وه‌ڵامی پرسیارێكی رۆژنامه‌نوساندا كه‌ سه‌رۆكی روسیا پێشوازی له‌ كشانه‌وه‌ی هێزی بیانی له‌ عێراق ده‌كات، بیسكۆڤ وتی، "با كاره‌كه‌ به‌مشێوه‌ دابنێین، بارودۆخه‌كه‌ به‌ته‌واوی جیاوازه‌، زۆر قورسه‌ لایه‌نی له‌یه‌كچو له‌نێوانیان بدۆزرێته‌وه‌، به‌ڵام جارێكی دیكه‌ ده‌یڵێمه‌وه‌، هه‌موومان حه‌ز ده‌كه‌ین، ململانێكان له‌ ناوچه‌كه‌ سه‌رهه‌ڵنه‌ده‌نه‌وه‌.

پێشتر سەرۆکی ئەمەریکا جۆو بایدن لەمیانەی کۆبوونەوەکەیدا لە کۆشكی سپی لەگەڵ سەرۆک وەزیری عێراق مستەفا کازمیدا ڕایگەیاند لە ماوەی چەند مانگێکدا ئەرکی هێزە شەڕکەرەکانی ئەمەریکا لە عێراق کۆتایی د‌ێت.

لەمیانەی وەڵامدانەوەی پرسیارەکاندا لە کۆشكی سپی، بایدن لە پاڵ سەرۆک وەزیری عێراقدا وتی ئەرکی نوێی هێزەکانی ئەمەریکا " پێدانی مەشق و ڕاوێژ و یارمەتیدان دەبێت لە کۆتای هێنان بە ڕێکخراوی دەوڵەتی ئیسلامی، بەڵام تاوەکو کۆتای ساڵ چیتر ئەرکی سەربازیی شەڕکردنمان نامێنێت."

بایدن ڕەتی کردەوە ئاماژە بە ژمارەی ئەو هێزانە بدات لە عێراقدا دەمێننەوە کە لە ئێستادا نزیکەی 2500 سەربازی ئەمەریکی لەو وڵاتەدا بوونیان هەیە.

 

سپۆتنیك





مشاهدة 871
 
 
معرض الفیدیو
أقوي رجل في العالم
لا تقتربوا من هذا الرجل العجوز
فيل صغير يصطاد العصافير
تصارع على الطعام
لاتضحك على احد لكي لا يضحكوا عليك
 
 

من نحن | ارشیف | اتصل بنا

جمیع الحقوق محفوظة وكالة أنباء زاگروس

Developed By: Omed Sherzad