English | Kurdî | کوردی  
 
ڕێبەری باڵای ئێران: متمانە کردن بە ڕۆژئاواییەکان هەڵەیە
الإعلان
 
تصویت
معرض الصور
2021-07-29 [12:29 PM]

ZNA - هه‌ولێر


 

هەفتەی داهاتوو ڕێوڕەسمی ناساندنی سەرۆککۆماری نوێ و دەستبەکاربوونی ئایەتوڵڵا ڕەئیسی بەڕێوە دەچێت، دوێنێ چوارشه‌ممه‌ ئایەتوڵڵا خامنەیی ڕێبەری باڵای ئێران دوایین کۆبوونەوەی لەگەڵ تیمی دەوڵەتی حەسەن ڕۆحانی ئەنجام دا و داوای لە دەوڵەتی داهاتووی ئێران کرد ئەزموونەکانی ئەم دەوڵەتەی ئێستا بکات بە عیبرەت بۆ خۆی و ئەرک و کاری نێوخۆی وڵات بە دەرەوەی وڵاتەوە نەبەستێت.

ئایەتوڵڵا خامنەیی جەختیشی کردەوە، ئەزموونی ئەم دەوڵەتە سەلماندی کە متمانەکردن بە وڵاتانی ڕۆژئاوایی و گرێدانی کاروباری دەوڵەت بە دەرەوەی وڵات و چاوەڕوانکردن بۆ هاوڕایی و یارمەتی وەرگرتن لە وڵاتانی ڕۆژئاوایی تەواو هەڵەیە و پێویستە دەوڵەتی داهاتوو ئەم بابەتە ڕەچاو بکات.

ڕێبەری باڵای ئێران سەبارەت بە ڕەزامەندی لە کاری کایبنەی ڕۆحانی لە ماوەی 8 ساڵی ڕابردوو گوتی ئەم دەوڵەتە لە هەموو بوارەکان وەک یەک کاری نەکردووە. لە هەندێک بواردا جێی ڕەزامەندیی ئێمە بووە بەڵام لە هەندێک بواریشدا کێشەی هەبووە. دبڵۆماتەکانی دەوڵەت هەندێکیان کاری خۆیان بەپوختی کرد بەڵام لە هەندێک شوێنیش هەڵە ڕووی دا. بە گشتی نابێت بە هیچ شێوازێک متمانە بە دەرەوەی وڵات و وڵاتانی بیانی بکرێت.

ئایەتوڵڵا خامنەیی سەبارەت بە ڕێککەوتنی بەرجامیش گوتی ئەمریکا لە دانوستانی ئەم دوایییەدا کۆمەڵێک مەرجی داناوە و هەڵگرتنی سزاکانی گرێ داوە بە مەرجی دانوستاندن لە سەر بابەتی مووشەکی. ئەمەش شتێکی مەحاڵە و ئێمە نایکەین.

دوایین دیداری کابینەی ڕۆحانی لەگەڵ ڕێبەری باڵای ئێران ئەمڕۆ بەڕێوە چوو و هەفتەی داهاتوو ڕێوڕەسمی ناساندنی سەرۆککۆماری نوێ و دەستبەکاربوونی ئایەتوڵڵا ڕەئیسی بەڕێوە دەچێت.

 

کوردپرێس





مشاهدة 361
 
 
معرض الفیدیو
أقوي رجل في العالم
لا تقتربوا من هذا الرجل العجوز
فيل صغير يصطاد العصافير
تصارع على الطعام
لاتضحك على احد لكي لا يضحكوا عليك
 
 

من نحن | ارشیف | اتصل بنا

جمیع الحقوق محفوظة وكالة أنباء زاگروس

Developed By: Omed Sherzad