ئاژانسی هەواڵی زاگرۆس

ب سەردانا “سەرۆك بارزانی ” بو بەغدا ھەمی گرێك دێ ڤەبن و ھەمی ئاریشە دێ چارەسەر بن

 

پشتی (٦) شەش سالان ب داخازنامەیەکا فەرمی ژلایێ حکومەتا عیراقێ ڤە ، سەروك و مەرجەع و کارێزمایێ کوردان (سەرۆك بارزانی) سەردانا بەغدا کر .

کو چەندین جاران ھاتە داخازکرن دا سەردانا بەغدا بکەت بۆ گەنگەشەکرن و دیتنا رێکێن چارەسەریێ بۆ چارەسەرکرنا ئاریشەیێن ل بەینا ھەرێما کۆردستانێ و حکومەتا عیراقێ دا و پاراستنا سەقامگیریی و ئارامیا عیراقێ ، چونکێ ھەمی خەلکێ ھەرێما کۆردستانێ و عیراقێ دزانن کو رێکێن چارەسەرکرنا ئاریشەیێن و پاراستنا سەقامگیریا عیراقێ د دەستێ بارزانی دانە .

دھەمان دەم دا (سەرۆك بارزانی) دگەل ھەمی لایەنێن حکومەتا عیراقێ بێ جوداھی کوم بوو و ب باشترین و جوانترین و بھاترین رەنگ پێشوازی ل سەروکێ کوردان و رێ نیشاندەرێ ھەمی عیراقێ (سەروك بارزانی) کر .

بارزانی بو چارەسەرکرنا چەند پرسێن گرنگ ل بەغدایە :
_ گەرەنتیکرنا پاراستنا قەوارەیا ھەرێما کۆردستانێ .
_ دلنیابین ل زێدەگاڤی نەکرن بو سەر دەسەلاتێن ھەرێما کۆردستانێ .
_ ھەموارکرنەڤا بودجە و دەرکرنا یاسایا نەفت و گازێ .
_ پێک ئینانا ئەنجومەنێ بالایێ فیدرالی .
_ گەرەنتیکرن و ھنارتنا شایستەیێن دارایی و دەستپێکرنەڤا ھەنارتنا نەفتا ھەرێما کۆردستانێ .

سەردانا بارزانی بو بەغدا تەمامیا میدیایێن عیراقێ و بەشەك ژ جیھانێ داگیرکریە و ب سەردانەکا گرنگ و پێدڤی و دیروکی دادنێن ..

_ ئێك ژ مانشێتا روژنەمەیەکا عیراقی ئەو بوو دگوت :
دەمێ مەدیتی (سەروك بارزانی) ب جل و بەرگێن کوردی ل فروکەخانێ دابەزی ، ھنگی مە زانی کو بو دوزا کوردی یێ ھاتی .

_ سودانی ، سەروك وەزیرانێ عیراقێ دبێژیت :
سەردانا (سەرۆك بارزانی) بۆ بەغدا یا گرنگە و رۆلەکێ کاریگەر ل پروسەیا سیاسی ل عیراقێ دا یا ھەی .

_ عەممار عەزاوی ، سەروکێ سەنتەرێ یەرموك دبێژیت :
نھا عیراقێ پێدڤیا ب حیکمەت و سیاسەتا (سەرۆك بارزانی) ھەی .
گوت ژی : سەرۆك بارزانی سیاسەتەکا نەرما ھەی و ئارمانجێت خو زوو د پێکیت .

_ لایەنێن سووننە دەربارەی سەردانا بارزانی دبێژین :
بوونا (سەرۆك بارزانی) ل بەغدا پشت و پەنایە بو سووننە و ھەمی پێکھاتەیان .

_ عەممار حەکیم ، سەروکێ رەوتا حیکمە دبێژیت :
سەردانا (سەرۆك بارزانی) بو بەغدا سەردانەکا گرنگ و دیروکی یە .

_ حەیدەر لامی ، سەرکردە ل دەولەتا یاسا دبێژیت :
(سەرۆك بارزانی) بابێ پروسەیا سیاسی یە ل عیراقێ .

_ رەحیم عەبودی ، سەرکردە ل رەوتا حیکمە دبێژیت :
ئەوێن دڤییا ل ئاڤەکا لێل دا مەلەڤانیا بکەن ، سەردانا (سەرۆك بارزانی) دێ وان بێ دەنگ کەت .

_ روژنەمەیا شەرق ئەوست :
(سەرۆك بارزانی) ل بەغدا گەنگەشێ ل سەر چارەسەریا ئیکلاکەرەوە دکەت .

_ د.محەمەد نەعناع ، توێژەرێ سیاسیێ عێراقێ دبێژیت :
چەند ئاماژەییەک ل سەردانا (سەرۆك بارزانی) بو بەغدا یا دیار و زال بی ، ل وان ژی ھاتن ب جل و بەرگێن کوردی ڤە ، کو پەیامەکا روون ب کوردان دا کو چوونا وی بو بەغدا خەم و ئازارێن وان یێت ڤێ ، ژ پێخەمەت مافێن کوردان گەنگەشێ دێ کەت .

_ فەلاح مشعەل ، نڤیسەر و روژنامەڤانەکێ ناڤدارێ عیراقێ دبێژیت :
زێدەتر ژ (٢٥٠) دوو سەدو پێنجی ھێزێن سیاسی ل عیراقێ دا یێن ھەین ، چ دەمەکێ روونەدایە سەرکردەیەك ب ڤی رەنگێ گەرم و گور و رێزڤە ، شاھانە پێشوازی لێ بھێتەکرن .

_ عبدولرەزاق شەممەری ، شرۆڤەکاری سیاسی دبێژیت :
جھێ شانازیێ یە و سوپاسدارین ل خودایێ مەزن کو کوردستان و عیراقێ (سەرۆك بارزانی)یێ ھەی .

ب سەردانا (سەرۆك بارزانی) بۆ بەغدا ھەمی گرێك دێ ڤەبن ، ھەمی ئاریشە دێ چارەسەر بن ، ھەمی ئاستەنگ دێ رابن ، ھەمی ئارمانج دێ ب جێھێن ..

دلۆڤان ئەمجەد بارزانی

هەواڵی پەیوەندیدار

پارتى حزبى هەڵبژاردن و دیموکراسییە

سەڵاح

پارتی ، بوێرى، كۆنفرانس و دیموكراسیخوازی

سەڵاح

پارتی و بەردەوام نوێبوونەوه‌ و متمانه‌

سەڵاح