بەشی سێیەمی “Dune” بەرهەمدێت و ئەو بەشە نوێیە بەناوی “Dune: Messiah” دەبێت.
هەواڵی بەرهەمهێنانی بەشی سێیەمی فیلمەکە، لەلایەن دەرهێنەرەکەی دەنیز ڤیلۆنۆڤ راگەیێندرا و گوتی، بە زووترین کات دەست بە بەرهەمهێنانی فیلمەکە دەکرێت و ئێستا سەرقاڵی نووسینەوەیەتی.
بەشی دووەمی زنجیرە فیلمی “Dune” لە ئاداری 2024 لە سینەماکانی جیهاندا پێشاندرا و داهاتی گەیشتووەتە 711 ملیۆن و944 هەزار دۆلار.
لەو داهاتە 282 ملیۆن و 154 هەزار دۆلاری لە سینەماکانی ئەمریکای باکوور و 429 ملیۆن و 700 هەزار دۆلار لە سینەماکانی دیکەی جیهاندا بەدەستهێناوە.
داهاتی ئەم بەرهەمە لە یەکەم هەفتەی نمایشکردنی لە سینەماکانی جیهاندا، 31 ملیۆن و 523 هەزار دۆلاری ئەمریکی بوو.
لە فیلمەکەدا تیمۆتی چەلامێت، ئەکتەری ئەمریکی، زندێیا، ئەکتەری ئەمریکی رۆڵی سەرەکی دەگێڕن و لە دەرهێنانی دەنیز ڤیلۆنۆڤە.