سلێمانی، یەکشەممە (16ـی شوباتی 2025)
بڕیارە سەرەتای مانگی ئایاری داهاتوو، وەزارەتی رۆشنبیری و لاوان، فێستیڤاڵی فیلمی کوردیی مۆبایل، لە شاری سلێمانی ساز بکات.
فێستیڤاڵەکە لە لایەن، بەڕێوبەرایەتی گشتیی رۆشنبیری و هونەری سلێمانی، بەشی هونەری سینەمای سلێمانی بە هاوبەشی لەگەڵ دامەزراوەی ڤیم سازدەکرێت.
فێستیڤاڵەکە تایبەت دەبێت بە بەرهەمی هونەری ئەو سینەماکارانەی لە رێگەی مۆبایلەوە فیلم بەرهەم دەهێنن و چیرۆکەکانیان دەگێڕنەوە.
مەرجی سەرەکی بەشداریکردن لە فێستیڤاڵەکەدا، ئەوەیە، فیلمەکان لە رێگەی مۆبایلەوە وێنەگیرابن، بابەت و ناوەڕۆکی چیرۆکی فیلمەکان کوردیی بێت و ماوەی فیلمەکە لە 15 خولەک پتر نەبێت.
دوا وادە بۆ ناردنی فیلمەکان بۆ فێستیڤاڵەکە 15ـی نیسانی 2025ـە.