ئێسك رۆڵێكی گرنگی هەیە لە شێوازی جوڵەی منداڵ و گەشەكردنی، هەربۆیە پێویستە لە تەمەنێكی كەمەوە بایەخ بەو خۆراكانە بدرێت كە ئێسكی پتەودەكەن، وەكو ئەم خۆراكانە.
1. بەرهەمە سپیاییەكان
دەوڵەمەندن بە پرۆتین، ڤیتامین D و كالسیۆم، ئاسانن بۆ هەرسكردن و هەڵبژاردنێكی زۆر باشە بۆ منداڵان.
2. ماسی
دەوڵەمەندە بە ئۆمێگا-3 و ڤیتامین D، باشترین جۆرەكانیش، سەلەمون، ساردین و تونایە.
3. هێلكە
دەوڵەمەندە بە پرۆتین و ئەو ماددە خۆراكیانەی تێیدایەتی، ئێسك بەهێزدەكەن.
4. سەوزەكان
رێژەیەی زۆر لە ڤیتامین A و K تێدایە، لەگەڵ كالسیۆم و تەواوی ئەو ماددە خۆراكیانەی بۆ ئێسك پێویستن.
5. میوە
بەتایبەتی مۆز و پرتەقاڵ، یارمەتی پتەوبونی ئێسك دەدەن و لە شكان دەیپارێزن.
6. پاقلەمەنییەكان
ریشاڵ و پرۆتینێكی زۆریان تێدایە، سەرچاوەیەكی زۆر باشە بۆ ئەو منداڵانەی ئارەزوی گۆشت ناكەن، وەكو نۆك، فاسۆلیا و نیسك.