ئه‌ڤرۆ چارشه‌مبى د.عه‌لى ته‌ته‌ر، پارێزگارێ دهۆكێ پێشوازیا”نەسروالله ره‌شنودى” كونسلێ به‌رێ یێ كۆمارا ئیرانێ ل هه‌ولێرێ وشاندێ ل گه‌لدا كر.
دهه‌ڤدیتنه‌كێدا به‌حسێ ب دوماهى هاتنا كار وئه‌ركێن به‌رێز ره‌شنودى ل هه‌رێما كوردستانێ وره‌وشا ده‌ڤه‌رێ وسه‌ركه‌فتنا پروسا هه‌لبژاردنێن په‌رله‌مانێ كوردستانێ وپه‌یوه‌ندیێن دێرین یێن فه‌رهه‌نگى وكلتورى وئابورى وبازرگانى دناڤبه‌را كۆمارا ئیرانێ وهه‌رێما كوردستانێ دا ب گشتى هاته كرن.
كونسلێ ئیرانێ ل هه‌ولێرێ سوپاسیا سه‌ركردایه‌تیا هه‌رێما كوردستانێ و پارێزگارێ دهۆكێ كر هه‌مبه‌ر وێ هاریكارى وهه‌ڤكاریا هه‌ڤپشك یا كۆ ل ڤان چارپێنچ سالێن ده‌ربازبوى ل گه‌ل كونسلى وكونسلخانا ئیرانێ هاتیه كرن وخواست ئاستێ وێ هه‌ڤكاریا هه‌ڤپشك پتر گه‌شێ بكه‌ت كۆ دخزمه‌تا گه‌لێن هه‌ردوو وه‌ڵاتان دا بیت.
ژلایێ خوڤه پارێزگارێ دهۆكێ خوشحالیا خۆ ب سه‌ره‌دانێ وهه‌بونا په‌یوه‌ندیێن خورت دناڤبه‌را هه‌دوو لا دا دیاركر وده‌ستخوشى ل به‌رێز كونسلێ ئیرانێ ل هه‌ولێرێ كر هه‌مبه‌ر كار وخزمه‌تا وى ل هه‌رێما كوردستانێ وب بڤێ هه‌لكه‌فتێ پارێزگارێ دهۆكێ خه‌لاته‌كێ رێزگرتنێ پێشكێشى ناڤبرى كر وهیڤى یا سه‌ركه‌فتنێ بۆ خواست.