ئاژانسی هەواڵی زاگرۆس

وەزارەتی کشتوکاڵ ڕێنماییەکانی سەربڕینی ئاژەڵی لە جەژنی قوربان بڵاو کردەوە

 

وەزارەتی کشتوکاڵ و سەرچاوەکانی ئاوی حکوومەتی هەرێمی کوردستان، ڕێکار و ڕێنماییەکانی سەربڕینی ئاژەڵی لە جەژنی قوربانی داهاتوو کە دەکاتە ڕۆژی یەکشەممە، 16-06-2024، بڵاو کردەوە.

بەشێک لە ڕێکار و ڕێنماییەکان:

  1. بە مەبەستی ڕێگریی لە بڵاوبوونەوەی نەخۆشی تای خوێنبەربوون، بەڕێوەچوونی ڕێوڕەسمی قوربانی بە شێوازێکی تەندروست، لە پێناو بەرژەوەندیی گشتی و پاراستنی ژیانی هاووڵاتییان، جەخت دەکەینەوە پێویستە ئاژەڵەکان لە سەربڕخانەی فەرمی سەر ببڕدرێن.
  2. لە ڕۆژانی جەژنی قوربان، سەربڕخانەکان بە ئامادەبوونی پزیشک و کارمەندی ڤێتەرنەری کراوە دەبن.
  3. توند و تۆڵکردنەوەی ڕێکارەکانی پشکنینی پێش و دوای سەربڕینی ئاژەڵ و پشکنینی گۆشتی بەرهەم هاتوو.
  4. پێویستە ئاژەڵەکە تەندروست بێت و هیچ نەخۆشییەکی نەبێت؛ گەنە (قڕنە) و مشەخۆری دەرەکی لەسەر نەبێت.
  5. هەر ئاژەڵێک دەرمانی چارەکردنی پێ درابێت نابێت ڕاستەوخۆ سەر ببڕدرێت، بەڵکوو پێویستە کاتی سەبڕین دوای بەکارهێنانی دەرمان، بە پێی ڕێنمایی پزیکشیی ڤێرتەرنەری و تایبەتمەندیی دەرمانەکە بێت.
  6. پێویستە لەسەر خاوەن ئاژەڵ پێش فرۆشتنی ئاژەڵەکانی (بۆ سەربڕین یان قوربانی) بۆ ماوەی نزیکەی سێ هەفتە هیچ جۆرە دەرمانێک نەدات بە ئاژەڵەکان و هۆڵی بەخێوکردنی ئاژەڵەکان بە دەرمانی تایبەت بڕشێنرێت و چارەسەری ئاژەڵە نەخۆشەکانی بکات.
  7. پێویستە کەسی قوربانیکەر (قەساب و هاووڵاتی) ڕێکارەکانی خۆپارێزیی لەکاتی سەربڕینی ئاژەڵ و گۆشت ئامادەکردن پەیڕەو بکەن، بەتایبەت بەکارهێنانی دەستکێش، جزمە و بەرکۆش.

8.لە کاتی گواستنەوەی گۆشت ڕەچاوی پلەی گەرمی بکرێت.

  1. پێویستە گۆشتەکە 12-24 کاتژمێر لە ساردکەرەوە هەڵبگیرێت و پاشان بەکاربهێندرێت.
  2. فڕێنەدانی پاشماوەی ئاژەڵە سەربڕاوەکە لەسەر شەقامەکان.

تای خوێنبەربوون بە چەندین رێگە لە ئاژەڵیشەوە دەگوازرێتەوە بۆ مرۆڤ و دەکرێت مرۆڤ بە سووکی تووشی بێت و لە زۆر باریشدا دەبێتە هۆی گیانلەدەستدان، رێکخراوی تەندروستیی جیهانی دەڵێت: رێژەی مردن لەنێو تووشبووان %10 بۆ %40ـە.

هەواڵی پەیوەندیدار

راگه‌یندراوێك له‌ وه‌زاره‌تی په‌روه‌رده‌وه‌

یاسین

پیاوێک و ئافرەتێک بە دەستڕێژی گولـلە کوژران

یاسین

ئه‌ڵمانیا… ژن و مێردێك لەسەر تاوانكردن دژ به‌ ئێزدییەکان دەستگیر كران

سەڵاح