ئاژانسی هەواڵی زاگرۆس

ئه‌مه‌ریكا کارمەندانی کەشتییەکی یۆنانی له‌ ده‌ست حوسییەکان رزگار ده‌كات

 

سەرکردایەتی هێزە دەریاییەکانی ئەمەریکا ڕۆژی یەکشەممە گوتی ستافی کەشتییەکییان ڕزگار کردووە کە خاوەنەکەی یۆنانە و ئاڵای لایبیریای بەسەرەوە بووە، ئەوەش دوای ئەوەی کەشتییەکە لە 12 ی مانگی شەشدا لەلایەن حوسییەکانی یەمەنەوە لە دەریای سووردا هێرشی کرایەسەر.

سەرکردایەتی هێزە دەریاییەکانی ئەمەریکا وتی کەشتیوانەکانی گروپی کەشتییە هێرشبەرەکانی ئەمەریکا دوایت دی ئایزنهاوەر ڕۆژی شەممە کارمەندانی کەشتییەکەیان بە فڕۆکە گواستووەتەوە. وتیشی کەشتیوانێکی سڤیل هێشتا بێسەروشوێنە.

هێرشەکە کە لە نزیک بەندەری حودەیدەی یەمەن ڕوویداوە، بووەتە هۆی کەوتنەوەی لافاوێکی توند لەسەر کەشتییەکە و زیانی بە ژووری بزوێنەرەکە گەیاندووە و وایکردووە کەشتییەکە نەتوانێت بجوڵێت.

ڕۆژی شەممە ئۆپەراسیۆنەکانی بازرگانی هاتووچۆی بەڕیتانیا وتی کارمەندانی کەشتییەکە گواستراونەتەوە و کەشتییەکە لە دەریای سووردا بەملاو بەولادا دەچێت.

حوسییەکان بەرپرسیارێتی ئەو هێرشە و هێرشە موشەکییەکانی دیکەی پێشووتریشیان ڕاگەیاندووە، دەڵێن هێرشەکانییان بۆ سەر کەشتییەکان لە دەریای سووردا دەربڕینی پشتیوانییە بۆ فەلەستینییەکانی غەززە، دەڵێن ئەو کەشتییانە دەکەنە ئامانج کە بەرەو بەندەرەکانی ئیسڕائیل دەچن.

 

voa

هەواڵی پەیوەندیدار

كەركووك… ئافرەتێك بەهۆی نەخۆشی تای خوێنبەربوون گیانی لەدەستدا

سەڵاح

كه‌رنه‌ڤالێ ” هه‌ڤدیتنا دهوك داهێنان بو ئاشتیێ” هاته‌ گێران

سەڵاح

سوریا… فەرماندەیەکی سوپای پاسدارانی له‌گه‌ڵ هه‌شت كه‌سی دیكه‌ كوژران

سەڵاح