ئاژانسی هەواڵی زاگرۆس

جامی یۆرۆ.. هەردوو هەڵبژاردەی ئینگلتەرا و سویسرا بە خاڵێک ڕازیبوون

لە یارییەکانی گەڕی دووەمی قۆناغی کۆمەڵەکانی جامی نەتەوەکانی ئەوروپا، هەڵبژاردەی سویسرا لە یاریگای دوش بانک پارک ڕووبەڕووی ئینگلتەرا بوویەوە.

 

لە ئەنجامدا یارییەکە بە یەکسانی و بە گۆڵێک بۆ هەردوولا کۆتاییهات.

 

لە یەکەم تایمدا هەڵبژاردەی سۆر پۆشەکانی سویس باشتر بینرا و کۆنتڕۆڵی تۆپ زیاتر لای ئەوان بوو، هەردوو هەڵبژاردە چەندین هێرشیان بردە سەر گۆڵی یەکتر، لە خولەکی 18 سەرکردە و کاپتنی ئینگلتەرا یاریزان هاری کەین گۆڵێکی بۆ هەڵبژاردەی تۆمارکرد، بەڵام سویسرا بەمە نەوەستا و توانی گۆڵی بەرامبەر لەڕێگەی یاریزان مورتین هیولماند تۆماربکاتەوە و ئەو تایمە بە یەکسانی مایەوە.

 

لە تایمی دووەم، هەردوو هەڵبژاردە چەندین گۆڕانکاریان بە یاریزانەکانی کرد بۆ گۆڕینی ئەنجامەکە و تۆمارکردنی گۆڵی زیاتر، بەڵام گشت هەوڵەکانیان بێسوود بوون و یارییەکە بەو شێوەیە کۆتاییهات.

 

بەم ئەنجامە، هەڵبژاردەی ئینگلتەرا یەکەمی گرۆپەکەیەتی بە کۆکردنەوەی چوار خاڵ، سویسراش دوو خاڵی هەیە و لە پلەی سێیەمدایە.

هەواڵی پەیوەندیدار

شاندێکی دارایی عێراق وردبینی لە لیستی مووچەی هێزە ئه‌منییه‌كان دەکات

یاسین

پارێزگاری هەڵەبجە :سەردانی مەسرور بارزانی، سەرۆکی حکومەتی هەرێم بۆ هەڵەبجە، گرنگ و پێویست بوو

یاسین

کەشناسی : ئەگەری تاوە باران و بروسکە هەیە

یاسین