ئاژانسی هەواڵی زاگرۆس

دوو فڕۆکەی بێفڕۆکەوان ده‌ستیان به‌سه‌رداگیرا و 18 کەسیش دەستگیرکران

ئەمڕۆ سێشەممە، فەرماندەیی ئۆپەراسیۆنەکانی بەغدا دەستبەسەرداگرتنی دوو فڕۆکەی بێفڕۆکەوان و دەستگیرکردنی 18 تۆمەتباری لە بەغدا ڕاگەیاند.

فەرماندەیی ئۆپەراسیۆنەکانی بەغدا لە بەیاننامەیەکدا ڕایگەیاندووە، “مەفرەزەکانی فەرماندەیی ئۆپەراسیۆنەکانی بەغدا، 18 تۆمەتباریان دەستگیرکردووە، لەنێویاندا ئەوانەی داواکراون بە تۆمەتی “تاوان، پەرەپێدان و بەکارهێنانی ماددەی هۆشبەر، و هەڵگرتنی چەکی بێ مۆڵەت“.

ئاماژەی بەوەشکرد، “لەبەری کەرخ و ڕەسافە دەست بەسەر 10 دەمانچە و دوو کلاشنکۆف و دوو فڕۆکەی بێفڕۆکەوان و ژمارەیەک تایە و ماتۆڕسکیل کە سەرپێچی هاتوچۆ دەکەن دەستیان بەسەردا گیراوە.

لە ڕاگەیەندراوەکەدا ئەوەش هاتووە، “بڕێک ماددەی هۆشبەر، جگە لە دەرمانی ماوە بەسەرچوو، دەستی بەسەردا گیراوە“.

هەواڵی پەیوەندیدار

Chat GPT تایبەتمەندیەکی نوێی بۆ زیاد کرا

یاسین

پۆلیسی بەریتانیا قاچاخچییەکی عێراقی دەستگیر کرد

یاسین

ئەمڕۆ مووچەی ئەم وەزارەتانە دابەش دەکرێت

یاسین