ئاژانسی هەواڵی زاگرۆس

ئەمریکا پێشوازی لە دیارکردنی رۆژی هەڵبژاردنی پەرلەمانی کوردستان ده‌كات

 

ئەمریکا پێشوازی لە دیارکردنی رۆژی هەڵبژاردنی پەرلەمانی کوردستان لەلایەن سەرۆکی هەرێمی کوردستانەوە دەکات و ده‌شڵێت: چاوەڕێ دەکەین هەڵبژاردنەکە بە شیوەیەکی ئازاد و شەفاف بەڕێوە بچێت.

ماتیۆ میلەر، گوتەبێژی وەزارەتی دەرەوەی ئەمریکا له‌ پرێس كۆنفرانسێكی رۆژنامه‌وانییدا له‌باره‌ی دیاریكردنی رۆژی به‌ڕێوه‌چوونی هه‌ڵبژاردنی په‌رله‌مانی كوردستان رایگه‌یاند، ئێمە پێشوازی لە راگەیاندنی 20ـی ئۆکتۆبەر وەک رۆژی هەڵبژاردنی پەرلەمانی کوردستان دەکەین.

گوتەبێژی وەزارەتی دەرەوەی ئەمریکا هەروەها گوتی “هەڵبژاردنی هەرێمی کوردستان ئامرازێکی گرنگی پرۆسەی دیموکراسییە و ئێمە چاوەڕێ ئەوە دەکەین بەرپرسانی هەرێمی کوردستان دڵنیابن لەوەی هەڵبژاردنەکان ئازاد و شەفافانە دەبن بە بێ هیچ دواخستنێکی دیکە.”

هه‌روه‌ها ماتیۆ میلله‌ر گوتیشی، وەزارەتی دەرەوەی ئەمریکا هەوڵەکانی نێچیرڤان بارزانی سه‌رۆكی هه‌رێمی كوردستان بۆ گەیاندنی لایەنە سیاسییەکان بە رێککەوتنێک لەبارەی هەڵبژاردن، بەرز دەنرخێنێت.

 

هەواڵی پەیوەندیدار

شەقامێکی 20 مەتری و پردێک بۆ بەیەکبەستنەوەی گەڕەکی ژین و برایەتی لە هەولێر درووست دەکرێت

یاسین

ئەمەریکا تۆمه‌تی خۆدزینه‌وه‌ له‌ سزاكان له‌ ڕێگه‌ی مالیزیاوه‌ ده‌خاته‌ پاڵ ئێران

سەڵاح

پارێزگاری هەولێر: لە چەند شوێنێکی گرنگ و سەرەکی هەولێر بەرزەپرد و ئەندەرپاس دروست دەکرێن

یاسین